مصدومه من اخوي

السلام عليكم

بنات انا مصدومه من اخوي وطاح من عيني بعد ماسمعت كلامه

تخيلوا وحده من خواتي مريضه وهي متزوجه وبصراحه حنا كلنا مانحاسبها على تصرفاتها لانها تعبانه جسديا


ونفسيا والفتره الاخيره جت لاهلي لانها ماتقدر تقوم ببيتها المهم ان اخوي تكلم عنها بطريقه مره ضايقتني


يقول ليه ابوي يتحملها حنا مو ملزومين فيها لو تموت اصرف ومن هالكلام ويوم ناقشته قال صار لي كم


موقف معها خلاني اكرها


طبعا اختي تسوي مشاكل مع الجميع بس ما احد منا يحاسبها لان وضعها الصحي والنفسي تعبان


مع ان الكل متضايق منها واتعبت امي وابوي بس اخوي هذا غير من جت لاهلي صارت له مشكله معها


وزعل وصار ماعاد يكلمها وزياده كلامه عنها جرحني لان دايم ببال الواحد ان الاخ سند وعزوه


بس للاسف اخوي غير انه ما يبي يساعدها مقهور ليه ابوي يساعدها وليه يتحملها يعني شايل يده منها


وزياده يحرش ابوي عليها ويتجرا يتكلم عنها باسلوب كنها الد اعداءه ماكنها اخته يقول لاتجلس عندنا تروح


تاخذ لها شقه حنا ما نبي احد يجي يوتر جونا وينكد عيشتنا


وش رايكم معه حق مع العلم ان اختي سوت مشاكل كثيره مو بس معه بس الكل يعذرها لان وضعها خاص ا


الا هو ماعذرها ولا حتى سكت وخلى الامور تمشي الين الله يفرجها


تكفون وشلون اتعامل معه احس طاح من عيني وماعاد لي نفس اكلمه يوم شفت طريقه تفكيره وحقده و

انانيته واللي ماعندها رد تكفون تدعي لاختي ان الله يعجل يشفائها ويرجعها لعيالها