مصدومه من امي

السلام عليكم و رحمة الله

عندي مشكله متعبتني نفسيا والله حتى جسمي مو متقبل اكل و كل شوي رايحه و راجعه عالحمام و انتو بكرامه

امي ساكنه بشقه مع اخوي الكبير كم سنه و يكمل الاربعين

و اخوي الله خير شخص عجاز كلما خرب شي بالبيت بعدين بعدين بعدين
و احيانا يتكل على غيره

زوجي ابو شيخه يشتغل مع ابوي بالمكتب( عقارات و شقق ) متكل عليه بسالفه العمال و التصليحات
امي سخان الحمام حقها خرب سمعت منه صوت و ما صار يسوي الماي حار
و بكم ان زوجي يشتغل مع ابوي قالت لي كلميه يجيب لي غيره
كلمته و وافق و جاب العمال و دخلهم الشقه عندها و شافو السخان هذا ما عاد موجود منه بالسوق
و اضطرو يطلعون و يدورون مثله و صارو كل شوي يرحون لشقه
صار موقف اخوي عصب على العمال و كان زوجي ينتظرهم بالسياره
و لما سمع صراخ اخوي اتصل عليهم و قال لهم تعالو
خلاص ما له داعي يقول خفت تجي لي صرخه و انا ما اعرف امسك لساني و يمكن اغلط عشان كذا استعجلت و اخذتهم و رحت

و لما جا البيت قال انا خلاص ما راح اقدر اتدخل هذول عمالكم انتو كلموهم

امي لما درت بالموضوع صارت تدافع عن اخوي شدعوه ترا اللي صار عادي و اخوك هذا صوته حتى معاي
( مع الاسف ان مراتٍ يعلي صوته عليها )) بس تحبه و دايم تدافع عنه
المهم كلمتني مره ثانيه و قالت لي اخوك صور لي السخان و علمني على مكانه ابيك بس تجيبينه لي قولي لأبو شيخه هالكلام
كلمته مره ثانيه و ما رضى و قلت لها يما هذا زوجي يقول انا سمعت اخوك يصرخ و خفت تجي لي صرخه و. انا وقتها ما راح اقدر امسك نفسي و يمكن اغلط
و قالت شدعوه من شنو يخاف و مدري وشو
قلت لها طيب يما كلمي اخوي قولي له يكلم العمال
او انا بكلم ابوي و بقول له انه صرخ على العمال
و هو لو رجال ما خلى امه تحتاج لأحد غريب ( متضايقه من اخوي و من زوجي اني كنت احاول اقنعه و رافض )
قالت لي اذا كلمتي ابوك ترا ازعل عليك
و سكري الموضوع
لما صار من بكره كلمتني و قالت ترا انا انتظر السخان
قلت لها والله زوجي خايف يتدخل
قامت عصبت علي و قالت انتي و زوجك على شنو شايفين روحكم عساني ما احتاجكم بهذلتوني
و سكت ما رديت عليها
ما اشوف الا اختي تكتب بقروب ابوي يبا شوف زوج بنتك
يتبلى على اخوي و يقول انه صرخ على العمال
و اذا يعني صرخ على العمال العمال عمالنا و كيفنا
قلت لها شوفي انا قلت لها اقول لابوي ما رضت و قلت لها كلمو العمال بأنفسكم ما سمعت كلامي تجي هي و تقول قولي لابوك
قالت ايه لانك كنتي ناويه تفتنين عليه
قلت ايه المفروض من الاول من يشوف السخان خربان يتصرف و اخوي تكلم و قال لي خليك فبيتك
انا سكت و رحت عاتبت امي ليش تسوين كذا يما هذي كلمت ابوي تغيير شي بالموضوع ؟ ما تغير شي بس غلطت علي
قالت لي ايه انتي و زوجك متكبرين و هذا زوجك قليل اصل انا من الاول حاسه انكم ما تبون تخدموني قلت لها و حاولت افهمها ان لا يا يما انا من كلمتيني و انا افكر فيك و اقول الجو بارد حتى زوجي ما رفض دخل مع العمال و جابهم لحد عندكم بس لما عصب على العمال اخوي تراجع و. قال انا ما راح اتدخل
قالت و اذا ولدي صرخ على العمال العمال عمالنا
و زوجك اصلا كذاب ولدي ما يصرخ على احد قلت لها يما ولدك صرخ عليك ما تبينه يصرخ على احد
اثاري امي زعلانه علي عشان قلت لها ولدك لو رجال ما خلى امه تحتاج احد غريب و
قالت لي انتي كنتي بتتكلمين على ولدي قدام ابوه
قلت لها ليش يما انا ما راح اكذب بقول الصج و
اصلا تكلمت ما تكلمت ترا ابوي يعرف ولده
و عطتني حظر
و لما صار الفجر اكتبت لي سناب السلام عليكم
ولدي صلح لي السخان الله يحفظه و يرزقه
( على اساس انا ما ني محتاجتكم)
رديت عليها و قلت
نصيحه يما لا تقولين لا لزوجي و لا لغيره بعد انا ما يعجبني اني اطلب منه شي لك و انرد احس بالقهر عليك و على نفسي قولي لولدك و بس لان انا ترا بعد ابوي قال لي. من زمان. لا تدخلين بشي يخص امك و انا تدخلت و شديت حيلي و سويت كل اللي اقدر عليه و اخر شي طلعت بالشينه و تكلمتي علي حرام عليك
قالت اي زوجك ردي و يحسب اننا ميتين عليه وترا العمال عمالكم قلت لها يما تراه ما منع العمال عنكم تراهم كبار و اطفال عشان يغصبهم على شي كلمن معتمد على نفسه و عنده رقمه الخاص كلموهم انتو و هو طبيعي اذا شاف شي بيبتعد و يقول ما راح اتدخل

بعدين قالت لي انتي طيبه و ادري حاولتي تساعدين بس زوجك ردي و مدري ايش قلت لها يما تقدرين تطلقيني منه و تكونين مسؤله عني و عن بنتي لبس و سكن و كل شي
انتي. الحين قاعده تتكلمين عنه قدامي بكرهه و ما راح اقدر اتحمل اعيش معاه
قالت لا خلاص احنا اللي غلطانين و زوجك هو الصح

و بعد شوي اشوف اختي محوله رساله من امي بالقروب حقهم سمعتو اخر خبر مروه تقول لا تطلبون مننا شي مره ثانيه

الحين انا احاول اتصل عليها و اتفاهم معاها مو قادره اوصل لها جوالها مقفل و انا مصابه بكورونا

شرايكم باللي صار منهو الغلطان ؟؟