ضلع @dlaa_77
عضوة فعالة
مصدومه من زوجيم
مساء الخير انا متزوجه من سنتين ونص وعندي بنت زوجي يوخر الصلاة عن وقتها وتحمله ومازلت انصحه وملاحظه عليه من اسبوعين انه يروح لم الدوام الصباح ولا يجي الا الساعه وحده ويقول انه يكد في أوبر وحاولت اني اخليه يترك أوبر بس رفض واليوم الثاني ينام من العصر ولا يصحى الا الفجر واليوم الي بعد يطلع وهكذا وانا سكتت لكن اليوم طلع من الصباح لدوام اسوي الغدا ولا جاء وأرسل لي سناب جديد واضفته وفي اليل ارسل لي فديوهات من حفلات الرياض انا انصدمت واتصل عليه ويقول لي مشغول واسمع أصوات مسيقى لويه قلت كيف تروح هناك قال رايح تبع شغلي الغريب في الموضوع انه قبل اسبوع كان يسب ها الحفلات والمنكرات الي فيها قلت انا استغرب من الي يروحون لها قال ما يروح لها إلا الناس الي أعوذ بالله بعدين قال لي يمزح تخيلي لو اروح وتشوفين انت وأهلك صورتي كان بتقولين طلقني قلت جعلك ما تروح ولا اشوف ذاك اليوم قال امين حتى الجنادريه مو رايحين لها كلها اختلاط واليوم اتفاجى انه رايح احس انه طاح من عيني وكرهته وما عاد اثق فيه المشكله انه دام يسولف لي عن قصص واحد طالع من وحده وسوى فيها وواحد تحرشت فيه وحده وجرته ووووو الصراحه بديت اخاف من ها الرجال والان انا اكتب وانا ابكي مدري كيف اتصرف هل اروح لم اهلي واتركه بس خايفه على امي مسكينه حرمة كبيره وفيها ضغط وماهي ناقصة مشاكل
19
4K
يلزم عليك تسجيل الدخول أولًا لكتابة تعليق.
العنزيه ١٢٣
•
الحين اغلبهم كذا الله يرحمنا برحمته ويعينا ويعينهم مع هالجو آلات كله بلاوي ومصايب محد معصوم دايم ذكريه بالله وصلاته
الصفحة الأخيرة