السلام عليكم
انا صديقة نجمه متلئلئه وداخله بمعرفها لان مابي اكتب بمعرفي يعرفونه بنات الجماعه
انا حامل وتعبانه . ولي تجربتين حمل وحده وصلت السابع وكنت داخله الثامن وماكمل والحمل الثاني وصلت للثامن وبعد تعب ومشاكل بالحمل جبت بنت بقيصريه والحمدلله والشكر ماضاع التعب
المشكله قبل كانت عندي شغاله ومريحتني والحين ماعندي وزوجي يمر بظرف مؤقت قال لي اصبري لين يعدي واقدم لك وانا مره تعبانه بالبيت مااقدر اشتغل احس بدوخه وكأن بيغمى علي
اهلي ساكنين بمنطقه بعيده وانا وبعض اخواني وخواتي بمنطقه وحده
صار ظرف لاهلي واضطروا يجون لمنطقتنا وبيطولون بالجلسه وهم جالسين عند اخوي الكبير ومعاهم شغاله مو محتاجينها
اختي الكبيره متزوجه من زمان وهي صغيره والله ماكتب لها الحمل عندها مشاكل كثيره وزوجها تزوج عليها برضاها والحين بيته مليان عيال وبنات
زوج اختي غني وثري بس بخيل وكريه وهي تحبه وماتشوف اخطاءه المهم عايشه عندهم كانها جدت العايله وهي مو كبيره بس هي حابه هذا الدور تبي تكسب رضا زوجها على حساب نفسها مهمله نفسها وشكلها
وجارتها بنت صغيره اختي ربتها على يدها
اهلي لما جو اختي خذت الشغاله عندها تخدم زوجها وزوجته وعيالهم !!
وانا تعبانه ووضعي صعب قلت لامي قالت ودي اعطيك اياها بس مابي ازعل اختك
زوجها بخيل ورافض فكرة الشغاله نهائيا ورافض انه يجيب لهم يقول ليه اجيب وعندي شغالتين بالبيت !!
والحين تبره بشغالة اهلي اللي انا اولى فيها
لما قلت لها ابي الشغاله مارضت تعطيني اياها وقامت تتعذر ان يدينها يعورونها ماتقدر تشتغل وان الشغاله مريحتها ومدري ايش
مع ان اختي موظفه ماترجع الا مع اذان العصر وتدخل تنام ماتقوم الا المغرب واذا قامت تمشي هي وجارات الحاره دوريات كل يوم عند وحده
يعني اكثر وقتها مو بالبيت وجارتها بنت صغيره متعوده على الشغل اصلا هي تقوم بدور اختي دايما يعني تساعدها مو انانيه ابد
انا والله العظيم لو ماني حامل والله والله ماابيها ولاطلبتها وياليتني ماحملت ولا انصدمت باختي
والله حز بخاطري ان اختي عارفه وضعي مااهتمت فيني اهتمت بزوجها البخيل اللي ساكت لوجود شغالة اهلي ببيته لانه متطمن انه ماراح يدفع ولاريال
انا قلت لاختي انا باخذها وبدفع رواتبها قالت وانا بدفع بعد رواتبها يعني هي اللي بتدفع مو البخيل زوجها مع انها خادمه زوجها وزوجته وعيالهم اكثر منها وحتى امي تقول الله يستر لاتتعلق شغالتنا ببنتكم الصغيره لان جارتها راميه البنت على الشغاله
اه بس مااقول الا حنا بزمن يخوف محد يرحم ولايحن وكلن يتبع مصلحته الله لايحوجني لاحد ويخليلي زوجي
قسم بالله دموعي ماجفوا مو لاني مااخذت الشغاله لاني مصدومه باختي وردت فعل اهلي يجاملونها على حساب حملي
بنات انا مكبره الموضوع ولا انا غلطانه ولا وش السالفه وش رايكم انتم
نجمه متلئلئه @ngmh_mtlylyh
عضوة فعالة
يلزم عليك تسجيل الدخول أولًا لكتابة تعليق.
كشتي حلوة
•
الله يعينك ويفرج همك
الله يكون بعونكالله يكون بعونك
غريبه اختك دام انها موظفه ليه ماتجيب لها شغاله من راتبها الله يهديها ادعي ان الله يغنيك عن خلقه
بروره2
•
بقولك الصراحه
اختك اخذتها قبل
ولو انك اخذتيهاقبل... نفس الشى اهللك ماراح يقولولك هاتي الشغاله نعطيها اختك
واكيد اختك شايفه انك صغيره وبصحتك وما عندك غير طفل واحد ومرتبه امورك على انه ما عندك شغاله
وانك لو محتاجه مره حتقدمي ..
لان زوجك مو بخيل مثل زوجها
لاتقوليلي ما هي نافعتها
الا نافعتها ونص على الاقل صايره في البيت تشيل يدها على اساس انا جايبه شغاله
انتي اعتبري ان وضعك ماصار فيه اي تغيير
حملت وانتي عارفه مافي شغاله
اولدي وكأن اهلك بعيد
رتبي امور بنتك اهم شي انتو كبار وتتحملو غسو برى وجيبو اكل جاهز
حاولي ما تستقبلين ضيوف اول الاسابيع بعد الولاده
واتوقع اختك تعطيك الشغاله اذا ولدت
بس ماكان مفروض تتجرئى وتقولينلها هاتي الشغاله وبدفعلها رواتبها .احسها تزعل من اختي الصغيره
اختك اخذتها قبل
ولو انك اخذتيهاقبل... نفس الشى اهللك ماراح يقولولك هاتي الشغاله نعطيها اختك
واكيد اختك شايفه انك صغيره وبصحتك وما عندك غير طفل واحد ومرتبه امورك على انه ما عندك شغاله
وانك لو محتاجه مره حتقدمي ..
لان زوجك مو بخيل مثل زوجها
لاتقوليلي ما هي نافعتها
الا نافعتها ونص على الاقل صايره في البيت تشيل يدها على اساس انا جايبه شغاله
انتي اعتبري ان وضعك ماصار فيه اي تغيير
حملت وانتي عارفه مافي شغاله
اولدي وكأن اهلك بعيد
رتبي امور بنتك اهم شي انتو كبار وتتحملو غسو برى وجيبو اكل جاهز
حاولي ما تستقبلين ضيوف اول الاسابيع بعد الولاده
واتوقع اختك تعطيك الشغاله اذا ولدت
بس ماكان مفروض تتجرئى وتقولينلها هاتي الشغاله وبدفعلها رواتبها .احسها تزعل من اختي الصغيره
الصفحة الأخيرة