اول شي كيف علاقتج مع زوجته؟؟
بعدين مهما كان لاتصدقينها!!اخوج يحبج ويخاف عليج يحبج حطي تحتها مليون خط!!بس ظروف الحياة اللي تلهي الواحد
واخوانج المفروض امج تنبههم وتلزمهم لانه بعض الرجال يحط في باله انه اذا ماطلبتي منهم شي معناتها انتي موب قاصرنج شي!!!مايحطون ببالهم انج تستحين الخ لانه الرجال بطبيعة مخه عملي وواااقعي


ومثل ماالكلام دخل باذنج طلعيه من الاذن الثانيه
بعدين عادي مب شرط انه هالمرة تعيجز او حتى كذا مره عن شي معناتها يبي الفكه منج ومن طلباتج لانه عارف انه مالج غيره!! ترا الرجال يتعبون وايد ونحن مانحس فيهم ومن يوصلون البيت يبون الراحه لاغييييير من بعد تعب الاسبوع كله
انا متزوجه وماحسيت بتعب اخواني وشقاهم طول الاسبوع وعيازتهم مرات بتنفيذ طلباتنا الا بعد ماشفت تعب الرجل من قريب
الرجل ترا له طاقه محدوده

يمكن تكلمت عن الموضوع من جانب بعيد شوي بس لاني عرفت بعد زواجي بحجم تعب اخواني بالويك اند!! الرجال تكون عقولهم مبرمجه بالويك اند للراحه وبس هذا بالغالب لانه طول الاسبوع وهو يراكض وراشغله الله يعينهم ويقويهم

اعذريه وكلميه وسلمي عليه عادي وهالفتره لاتطلبين منه شي وشوفي شو بيصير بس ترا عادي يمر شهر مايسأل خخخ ماتعرفين كل واحد وظروووفه صدقيني
ترا والله رجل وزوجته فقط عندهم مشاغل وااايده خاصه لو دوامه طويل ومتعب


موفقه الغاليه ولاتصيرين شراتي حساسه لاي سبب ولاتخلين الشيطان يلعب بمخج
هذا اخوج واخوانج كلهم يحبونج
اعذريهم واختلقي لهم الاعذار وكوني احسن منهم بالسؤال عنهم والسلام عليهم
يمكن يحسون ع دمهم
صحيح مرات تصرفاتم ترفع الضغط بس يمونون موب اخوانا هم؟؟

بعد الأب ما فيه سند
ويمدحونه السواق وأنا أختج
ترا الحال من بعضوووو
وسعي خاطرج وترى الدنيا ماتسوى
إحنا أول ما توفى أبوي انصدمنا كم مرة من أخوي وزوجته لما تعلمنا إنا مالنا إلا نفسنا في هالدنيا<<<وطبعا السواق ههههههه

الله يفرج همك ويرزقك الزوج الصالح

يالله يارب يآ ارحم الراحمين ان شاء الله بيج نصيبج

أصبري وادعي وان شاء الله بترتاحين وبتفرحين اهلج

لاحول ولا قوة الا بالله
الله يهديها زوجة اخوك ليش تقولك اصلا
انتي الله يخليلك امك ان شاالله توديك وتجيبك
بلا منة خلق الله الله يعطي امك الصحة والعافيه
وتشوف عيال عيالك:39: