مصدوووووووومة من نتيجة التحليل يا ربي .... هرمون الحليب وصل 700 !!!

السلام عليكم و رحمة الله و بركاته

الله اجرني في مصيبتي و اخلف لي خيراً منها


بنات انا قبل مدة كان عندي موعد للدكتورة و حكتلي انه كل شي عندي طبيعي الحمد لله

بس حكتلي اعمل تحاليل عشان تتأكد

عملت تحليل بروجتسرون و كان الحمد لله طبيعي مع اني ما بعرف تحليل ايش هو

و عملت تحليل البرولاكتين و الصدمة


انه كان هرمون الحليب عندي مرتفع كتييييييييييييير و موصل 700 :06:

لما جوزي حكالي عالتلفون انصدمت ما عرفت شو احكي ولا شو اعمل :eek:

بنات مين صار معها الهرمون لا سمح الله لهالدرجة مرتفع ؟ و كيف عالجتوه ؟
علما اني اخدت قبل مدة دوا دوستنكس عشان يخفض الهرمون

و قبل شوي دخلت على طبيب دوت كوم و قرأت انه من مضاعفاته العقم و عدم انتظام الدورة.

و انا قبل سنتين طلعلي ورم في صدري و حكولي الدكاترة انه زيادة بهرمون الحليب

و عملت عملية بس ما عالجولي الهرمون و طبعا انا فكرت انه لما راح الورم خلص الهرمون صار طبيعي

انا هلا خايفة يرجعلي الورم مرة تانية و خاصة انه الدكتور حكالي الورم كان حميدي بس ممكن ازا طلع مرة تانية و طولتي لشلتيه يتحول لخبيث يا رب ترحمني برحمتك يا ارحم الراحمين


هلا انا عندي موعد مع دكتورتي تاني يوم الدورة

رح اضطر استناها لتشرف الست هانم عشان اروح الدكتورة و اتطمن منها

معلش يا بنات سامحوني عالاطالة

بس انا مخنوقة كتييييييييييييييير و خايفة

يا رب يا مجيب الدعاء احفظني و ابعد عني المرض و ارزقني من حيث لا احتسب