اذا أنتي ما تبغين مصروف أنتي حرة لكن غيرك يبغى! الأساسيات يجيبها الزوج للبيت ويعطيك مبلغ في يدك لو ميتين او حتى مية اهم شي قروش تكونون متفقين عليه يعني محد غصبه هو بطيب نفس يعطيك اذا زاد خير وبركة لكن ما ينقص منه أبدا إنتي تتصرفين بالمبلغ على كيفك تجيبين هدية لفلانة توجيبين منها تشترين ضيافة تشترين مكياج انتي حرة من حقك تفرحين فيها لانك طول اليوم تكرفين في البيت ومع الاولاد وممكن الطلعات تقل لان عندك صغار وهذا المبلغ يفرحك وتنبسطين شوي وتتعدل نفسيتك وتقابلين ابو الشباب بوجه بشوش وريق حلو ومو كل شوي ناقزة في وجهه ابغى فلوس ويقول ليه ابغاها لفلانة وتقولين كل التفاصيل عشان يعطيك وبعدين تصير مشكلة ويمسكها عليك ويقول ايه ضيعتي فلوسي على فلانة وخرابيطك!

انا موظفه
وزوجي هو المسئول عن البيت مش انا كان يعطيني كل شهر مصروف لي بس حصلت ظروف وقلت له وفر الفلوس لكنه مايقصر
انا ودي اجمع راتبي بدل الصرف ملابس وسوق لي ولولدي واساعد امي حتى لو مش محتاجين هذا اللي يخليني احس براحه وزوجي يعطيني كمان

مصروفي 1500واحياننا يزيد لالفين ..اغراض مطبخ ومدار س وصيدليه وطلعات ومصروف المدرسه ومطاعم تكفينا للراتب الي عقبه ماعمره زاد منها توفير ..

انا يعطيني مصروف ٥٠٠٠ اول شي أسويه أتصدق منها ب ١٠٠ هذا قبل اصرف ريال منها ثاني شي اروح اي سوبرماركت واقضي لامي الغاليه بحدود ميتين ريال اكل خاص ب مرضى السكر لان أكلها معين وأعطيها بيدها ميتين وبعدين ابداء بنفسي اقضي لنفسي الي ابغى لوازم ب ٥٠٠ او ١٠٠٠ والباقي اخبيه بالبنك الحمدلله وقت احتاج او تحتاج امي اصرف منها والحمدلله رب العالمين اهم شي الصدقه قبل اي شي تبارك الفلوس بيدك لو مية ريال

اشتري بيها حاجات لنفسي واحيانا بعض الاغراض للبيت مثل فواحات و بخور وهدايا القرايب للزواجات والولاده منها برضه ... خذيها مني نصيحه ارفعي مبلغ من غير ما يعرف زوجك .. زمان كنت اصرف كل ريال ما ابقي شيء .. بعدين اتعلمت .. الرجال مهما كان طيب يجي يوم ويقلب وهذا القرش يفيدك وقتها ... زوجي كان يعطيني 1000 ويشتريلي ملابس وسفريات ويسدد فاتورة جوالي لين جاته فتره بطل .. والسبب اخواته .. وصلوا كلام قلته بس بطريقه خبيثه .. المهم بطل يجيب لي هدايا و بطل يسدد فاتورة الجوال .. حتى يوم ولادتي جوالي انسرق رفض يجيب لي جوال وقلب عليا 180 درجه وصار لو باقي معايا شيء قليلل من المصروف يحاسبني عليه .. الله يسامح اخواته انا اتعلمت درس وجبت لي حلول حتى ما يعرف عندي فلوس .. طلعت صرافة فيزا لمشترايات من النت ب 100 ريال من الراجحي وصرت احول اي مبلغ يزيد عندي عليها وكده اجمع فلوسي .. وهذي السنه دخلت جمعيه ب 500 واستلم 5 الاف ناويه اشتري طقم ذهب .. واي مبلغ يزيد بأي شهر اقضي على خفيف مشتريات ليا او احوله على الفيزا ... وجات في بالي اني اشتري قروشات ذهب لما يكون سعره نازل و ارفعهم عند امي من تجربة الوالده الذهب افضل حل ل لم الفلوس .. شوفي ارفعي لو شيء بسيط جمعيه ومولازم يعرف زوجك .. مهما كان طيب .. اذا احتاج بيوم اعطيه بالنهايه هذا من شقاه وتعبه . وانا والله لو زوجي يختاج ما اكذب عليك بعطيه كرمال اليوم الي كان سخي وكريم معي ..