انا مالي دخل في الموضوع لاني ماني متزوجه بس حبيت اساهم بحاجه اللي هي استفيدو من حكاية المصروف لانه يعطيك اياه فلك الحريه فيه وش رايكم كل وحده تصدق منه وكل وحده على حسب مصروفها ولا تحقرون شي لاتقولون قليل والله يوفقنا وياكم لما يحب ويرضا

ملاحظه نسيت اقولها

بالاضافه لاتنسون حديث الرسول صلى الله عليه وسلم تهادو تحابو حاولو تهدون اللي حواليكم ولا تنسون اهم شي الام

مصروفي هو ابتسامته لي وجلستة معي هذي تسوى الدنيا ومافيها وكل شهر اقوله من الشهر الجاي تعطيني مصروف خاص والاقي نفسى بدون شعور مدفعتنة ضعف المطلوب ب6 مرات ولسة ماجا الشهر الجاي

ماشاء الله عليكم مصروفكم 200 وراضيات ومقتنعات وشاكرات وحامدات الله يبارك لكن ويرزقنا الرضا بما رزقنا به

مع العلم اني استلم مكافاة شهريه من الجامعه 840 ريال وهو دايما يعطيني 300 ريال كان يعطيني 500 بس انا قلت له اني ما احتاج كل هالمبلغ فتالافضل تخفض من مصروفي لان احنا الحريم لمن نشوف الفلوس بايدينا نلعب بيها لعب الله يعيننا على انفسنا بس

والله صدق موبكثر المصروف اوقلة الا بحسن التصرف
بأقلكم تجربتي اول ماطلبت المصروف قلت ابغى 300 وطرت بال300 ان يكون عندك شي ملك لك وتتصرفين وتشترين الي نفسك فية
وبدون قولت وش تبغين فية او ماله داعي
وبعد سنتين صار مايكفيني ولاصرت اشتري شي علية القيمة وهو كلة من سوء اتصرف وارجع له ومعاريض ولية ذلبخل لية فلانة احسن مني ولا احلى مني عشان يعطيها زوجها 500 وانا بس 300 وماتكفي ومن ذالكلام ورفع المصروف ل500 واولا مااخذتة بالفعل حسيت انة كثير وراح اشتري كل الي ابغى ونفس السيناريو الله العظيم بعد كم سنة
ماعاد يكفيني لان الي كنت اقتنع فيها يوم كنت 300 معاد اقنعتني يوم صارت 500 ورحت بالمعاريض وانا ام العيال وانا شغالة سيلانيةعشان اخذ 500 اعطني 1000 وفاتورت جوالي علي وحصل الي ابغى والله يابنات اني لاطلت سمى ولاارض جوالي اسددةاقل شي 600الفائدة الوحيدة اني سويت جمعية بنص ال1000 وفرشت غرفتي والصالة وكم قطعة زل من الرخاص
وتصدقون بالله يابنات ان ماعندي طقم لبس علية القيمة اذا بأروح مناسبة فخمة كل الي عندي من ستي ماكس والسدحان وطقتهم
لية ماادري حتى بيتي مافية تحفة زي العالم والناس
بتقولون ليش موهو الي يجيب التحف 0000زوجي يا الغاليات اسخف شي عندة الاشياء هذي اشياء رئيسية والله مايقصر وتغيير الاثاث اذ هو نضيف ومالة الا4 سنوات مستحيل يغير لو اموت والله اني اضطريت مرة اكب على الموكيت شي مايروح عشان يضطر يغيرة مع ان المكيت مافية شي بس ودي اسوي سيراميك ا ن كيدهن عظيم
يالله قلتلكم سيرتي الذاتية والنفسية والاجتماعية ههههههههههههههههههههههههههههههههههه
اعذروني على الثرثرة بس والله مقهورة اني عجزت اوفر او استفيد من ذالمصروف وانا اقتنعت مئة في المئة ان العيب فيني مو في كثر او قل الفلوس
اشكر صاحبة الموضوع