مصروفك كم وتاخذين منه اشياء للبيت افيدوني

ماشاءالله تبارك الله يعطيك مصروف.... عاد انا تقطع حلقي وانا اقول ابغى مصروف ولحد الان مو راضي يقول انا ماقصرت عليك عشان تقولين ابغى مصروف
بس نصيحه لاتعودينه تشترين اي شي للبيت لانه راح يتعود وبعدين تندمين وقوليه المصروف يادوب يكفيني
واذا تبين نصيحتي لاتشترين الغساله من مصروفك لانك بكذا راح تعودينه وماراح تستفيدين من المصروف
وانا عن نفسي لو اعطاني مصروف ما راح اصرف على البيت لان تعلمت من تجارب الاخرين

عن نفسي مايعطيني مصروف..
بس ترى ان جيتي للحق يقدر يرفض ..لاتقولين له من مصروفي..مثلا عطيه ربع مبلغها وقولي كمله..
بس تخلينه يعتمد على مصروفك صعبه اصلا 500 يالله قدرك..
ممكن حاجات بسيطه صح..بس تعودينه على شراء اجهزه ومن هالاشياء الكبيره صعبه..
نصيحتي لاتطلبين بصيغه امر..توددي واظهري حاجتك له وانه هو عزك وسندك..
اما 500 واشتري لبيته صعبه شوي

يااختي زوجك لو ماتهمينه مااعطاك ولا فكر فيك
و500 مبلغ ممتاز لاتبخسينه واشكريه
خليك ذكيه ومدبره وتعرفين تتصرفين بفلوسك حتى لو كانت 100

شوفي كم سعر الغساله الي تبينها مثلا ب1000
جمعي هالشهر 500 ولا تشترين بها شي
والشهر الي بعده برضو نفس الشي
واشتري غسالتك والله زوجك بيفرح وبيتفاجأ

ترى الدنيا غاليه يابنات مررره كل شي صار في الهوى وووو غااالي حيل فراعوا ظروف ازواجكم ولا تصيرون انتم والتجار عليهم

انا مصروفي اخذت منه غساله اتوماتيك وغساله صحون ودولاب مطبخ
اجمع كل شهرين ثلاث واشتري شي الين خلصت قبل رمضان والحمدلله
والحين باغير مجلسي قبل رمضان
وهو راتبه يطير بين مصاريف البيت والسياره
للعلم زوجي لما يشوفني ادفع يستحي ويساعدني
مثلا غساله صحون كان عندي 1700 طلعت الغساله ب2400 وقال والله ماترجعين بدون غساله وكمل المبلغ وشراها
زوجك لما يشوفك متعاونه بتكبرين في عينه
وكل وحده ادرى بزوجها

الله يوفقكم

تقدير ذلك يرجع لك حسب امكانياته الماديه ولكن تناقشى معه بادخار جزء من ثمنها بجزء من مصروفك ويكمل هو الباقى ووفقك الله للخير دائما

والله أذا دخله حلو ومقتدر
فماله داعي تاخذين من مصروفك
أما أذا والله كريم معك ومعطيك الخمسميه
ومايبقا له شي يعني كله يطير بالمصاريف
فعاد كوني بعد كريمه وتعاونوا

بالنسبه لي مصروفي 250ريال
وأكثرها تروح للبيت
لأن زوجي يصرف كل بفلوسه عشان يسعدني
وغالبا نفسه تكون أخر مايفكر فيه
فبتالي أستحي منه وأعاونه
والله الميسر.