أحلامي لا تضيع @ahlamy_la_tdyaa

عضوة نشيطة

مصروفي مايكفيني

بإختصار ... انا متزوجة وماعندي اطفال الله يرزقني .. زوجي شهريا يعطيني 500 ريال .. وبما انه ماعندي اطفال واطفش بالشقة واغلب الوقت لحالي .. جبت انترنت فاتورة وادفع شهريا 150 ريال لأنه بصراحة النت هو اللي مونسني .. و 100 ريال ليزر لوجهي بس احيانا اسويه كل شهرين مرة لأن ماشاء الله لي سنه ونص اسوي ليزر ووجهي صافي مابه شعر ومرتاحه .. المهم يبقى لي 350 واحيانا 250 بالله وش تكفي ?? احيانا نفسي اشتري مواعين او اشياء للبيت مو قادره ومناسبات ما اقدر أوجب .. زوجي قايل لي فقط 500 ولا تطلبيني شيء الى الراتب الجاي .. واحيانا اشحن جوالي رصيد واحس الفلوس تطير بسرعه .. لما تزوجت قلت بستانس واتسوق وازين بيتي بس للأسف تمر ايام حتى بلوزه ماقدر اشتري ومناسبات كثيره لاهلي واهل زوجي ماحضرتها .. وتعرفون الحين لازم هدايا وكل ماسمعت عن عشبة للحمل جبتها من مصروفي كيف أوفر يا بنات? ? زوجي مديون واحيانا مامعنا فلوس المستشفى عشان اتعالج للحمل واضطر ادفع من مصروفي كشف سونار وتحليل وغيره اسألكم بالله ادعوا لنا بالذرية وحالتي النفسية الله يعلم فيها

14K

يلزم عليك تسجيل الدخول أولًا لكتابة تعليق.

تسجيل دخول

باكر أحلى ! • 7 سنوات

٥٠٠ ما احسها تكفي كلمية
٥٠٠ تكون للبسك و اغراضك او اكثر بعد
النت و المواعين مفروض هو اللي يجيبها
الله يفرجها عليك كلمية بهدوء

باكر أحلى ! • 7 سنوات

اه اسفة تو اقرا انه مديون الله يفرجها عليكم من واسع فضلة
استغفري كثير و الله يكتب لك الحمل
اصبري فنهاية الصبر شيء جميل

noonoo252 • 7 سنوات

انا 500 وتكفيني الحمدالله . بس النت وشحن جوالي هو اللى يشحن...والمواعين كل شهر اذا رحتي تتقضي للبيت ..اخذي اللى تبين لانه مصروف البيت غييير مصروفك..مصروفك لنفسك تدلعين نفسك به ..

noonoo252 • 7 سنوات

noonoo252 :

انا 500 وتكفيني الحمدالله . بس النت وشحن جوالي هو اللى يشحن...والمواعين كل شهر اذا رحتي تتقضي للبيت ..اخذي اللى تبين لانه مصروف البيت غييير مصروفك..مصروفك لنفسك تدلعين نفسك به ..

انا 500 وتكفيني الحمدالله . بس النت وشحن جوالي هو اللى يشحن...والمواعين كل شهر اذا رحتي تتقضي...

او حاولي تجمعين منه شهرين ثلاثه..واشتري مواعينك ..والله يسخره لك

أحلامي لا تضيع • 7 سنوات

باكر أحلى ! :

٥٠٠ ما احسها تكفي كلمية ٥٠٠ تكون للبسك و اغراضك او اكثر بعد النت و المواعين مفروض هو اللي يجيبها الله يفرجها عليك كلمية بهدوء

٥٠٠ ما احسها تكفي كلمية ٥٠٠ تكون للبسك و اغراضك او اكثر بعد النت و المواعين مفروض هو اللي يجيبها...

فعلا النت هو مفروض يدفعه .. قبل كان يفتح لي بياناته اذا موجود بالشقه واتصل منه لكن المشكلة هو يطلع برى بالساعات وابقى انا مقطوعة لا انترنت ولا حتى رصيد .. ولما يجي يقعد يذلني بالنت .. كل شوي ناط لي لا تحملين لا تفتحين يوتيوب يضعف عندي وآخرتها يطفيه عني ..

لهذا طلعت نت خاص لي من مصروفي وارتحت .. عشان كذا مصروفي ماصار يكفيني ..

هو صحيح لازم هو يجيب اغراض للبيت لكن ما اقصد مؤونة البيت لكن احيانا لما اكون بالسوق اشوف حاجات حلوة للبيت ودي اشتريها ..

لما تزوجت قلت الحمدلله بستانس لكن نسيت الاسواق والهدايا من بعد زواجي والحمدلله على كل حال ..

وش رايكم يا بنات بفكرة الحصالة انه اجمع كل شهر مثلا 100 ريال بس كذا رح اضل فعلا بالحضيض ..