مصروفي من زوجي

السلام عليكم بنات
انا تزوجت زوجي وكان عليه قروض وكذة قلت نصبر و تنتهي القروض ونرتاح

صبرت ع المصروف واغراضي ولا للامانه مايقصر في اغراض البيت وحاجياتي
بس بعد ولدي الاول قالي ترا بعطيك 500تصرفي فيها شهريا
تشمل كا حاجة
وانا الان عندي طفلين وال٥٠٠ ماتكفي اخذ لهم ملابس ولي وغير كذة تشمل اغراضي الشخصية والصيدلية واي طلب اطلبه لو من بقاله ادفعه انا كمان زوارات الناس والحلا اللي اخذه او هديه اهديها 
قبل فترة تهاوشنا لانه يبغاني ادفع قيمة النت حقي ورفضت قلت النت عليك بس قرر ونفذ معد يشحن لي خذيت شبكة جيراني باذن منهم عادي قلت فتره ويطخ بس رافض يشحن لي غصب اتصرف بكل احتياجاتي بهالمبلغ لو اطلب لعيالي من البقاله ادفع انا


وقبل اسبوع تهاوشنا كنت ابي بن قهوة للالة حقتي قال معك بطاقتك تدفعين؟؟ قلت خير ماعاد الا قهوه للييت ادفع قال انا ماشربها قلت شربت ولا ماشربت هذي من ضمن الاكل واللقهوة

حتى اذا نزلت محلات مواعين يقولي صرافتك معك ! ونتهاوش كثير على هذي السالفة لكن ماينهيها ابدا بحل بطنش ويتركني اتصرف
انا طفشت بخاطري اشتري عطور او عطر حتى ماركة والله اخر عطر فخم خذيته ايام جهازي قبل٥ سنوات وعليها ماعاد شريت شي غالي وربحته ثابته
حتى البجايم وملابس البيت
كذلك ودي اغير ملابسي كلها اول حاجة قلت كل شهر اشتري حاجة ومايجي كم شهر الا الدفعه الاولى استهلكت وراح لونها وحللتها

و غير كذة ودي ابدا اعالج اسناني بس عارفه ماراح يعطيني بيقولي من مصروفك ال ٥٠٠ اللي ادفع فيها كل حاجة

وضعه المادي الان كويس حتى ان اصدقاءة واخوانه يطلبون من مبالغ ويعطيهم طبعاً ك دين .