مصروف البيت وتقسيمه

ماني شايفه عندك مشكله ،، ماهي اول مرة تمسكين مصروف البيت ،، عندك خبرة مسبقه ،،والحين تشترون كل شي الا الفواكه !!!!!! وفري كرتون برتقال وكرتونية تفاح وكل أسبوع ضيفي نوع او نوعين فاكهه

لا تكثرين خرابيط وبدالها جيبي فواكة ولو تاخذينها من سوق الخضره او فر لك من السوبرماركت

انا تقريباً مثلك بس طفلين ومصروفنا 2000
استلم المصروف واقسمه 3اقسام قسم للنونو حفوظاته حليبه مدري وش 500ريال
وقسم 1000ريال للمطبخ و500ع جنب اسميه فائض
طبعاً انتي حطي حق المطبخ 1500
واشتري الاشياء الي فيها عروض من العثيم لو نقص علي هذا الغرض واذا رحت وحصلت عرض اخذته <<تفيد العروض مره
ولو احتجنا اكثر من الالف ناخذ من ال500حقت الفايض الي نحتاج وبكذا يفيض معانا مبلغ اذا اقتصدنا ممكن 200او300 وبس
اتمنى اني افدتك واي سؤال تفضلي

بالنسبه للخرابيط مافيه  كل يوم لكل واحد ريالين يشتري للي يبغى  بس مشكله اولادي ماعاد ياكلون فواكه  عشان مو متوفره على طول  واي مناسبه تهز لي الميزانيه مشكوره اختي تاتي شوبنق بتبع طريقتك  واشوف هالشهر 

شوفي حبيبتي انا هذي طريقتي في تقسيم المصروف ومره مريحتني 
اول شي يعطيني زوجي مصروف 2200ريال اقسمها على بندات واحطها بظروف واخليها عندي بالبيت 
الظرف الاول فيه للمطبخ واحط فيه 1000
الظرف الثاني للمنظفات والبلاستيك فيه200
الظرف الثالث للمطعم 300
الظرف الرابع لمغسله الملابس بس اغسل ملابسه عندي ويكويها برا وفيه 100
الظرف الخامس يكون فيه مصروف لزوجي وفيه300 ويحطه بالسياره بهالظرف
والظرف السادس يكون فيه بنزين السياره300 وكمان يحطه بالسياره هالظرف
وبكذا يكون المصروف تقسم 
ومصروف المطبخ اقسمه ع اربع اسابيع كل اسبوع فيه 250ريال وكل اخر اسبوع اقضي اللي ينقص 
لاني اسوي جدول لطبخ حق اسبوع من فطور وغدا وعشاء واشوف وش ناقص لطبخات واجيبه عاد انتي شوفي وش البندات اللي عندك واتبعي طريقتي مره مريحه
اما مصروف العزايم احطه 500 من غير 2200