مصروف الخدم مع ام ضد ؟؟؟

السلام عليكم ورحمة الله وبركاته

اليوم يابنات ابغى اتكلم عن موضوع الخدم واحتياجاتهم واتمنى ان المشرفات ماينقلون الموضوع لان هالشي يعتبر من المشاكل الاجتماعيه في بيوتنا
موضوعي عن الخدم وتحديدا مصاريفهم واحتياجاتهم الشخصيه
ولما اقول احتياجاتهم ما اقصد الاكل والشرب واللبس
اللي اقصده ادوات العنايه الشخصيه من فرشه ومعجون وكريمات وشامبوهات وعطور وبودره .... الخ
في ناس تخلي الخدم يشترون اغراضهم من رواتبهم وطبعا هذا غلط لان انتي المسؤوله عنهم ولازم انتي تدفعين هالشي وهالشي بإذن الله الكل راح يكونون موافقين عليه
لكن اللي انا مركزه عليه هل انتي من النوع اللي تعطين الخدامات خيارات وتخلينها تشتري اللي هي تبي ولا تشترين لها بدون ماتشاورينها ؟
لان بصراحه اكتشفت اني غلطانه لما لقيت خدامتي كلما طلعت للسوبرماركت تعطيني ورقه طويله عريضه طلباتها شامبو صانسيلك صابونة دوف ... الخ واذا مالقيت اللي هي تبي وجبت لها شي غيره تعصب علي وتمد البوز :sad:
وطبعا انا قررت اني اغير تعاملي معهم بحيث اني اعطيها مبلغ كل شهر تشتري منه اللي تبيه بدون ماتدوشني وتقلقني بتشرطها
لكن انا محتاره بتحديد المبلغ مدري بالضبط كم اعطيها وكم المبلغ اللي يكفيها بدون ما اظلمها او اظلم زوجي لان هو اللي بيدفع راتبها
وياليت تتكلمون عن تجاربكم بهالموضوع وكيف تتعاملون بمثل هالمواقف
ومشكورين