مصروف العيال 🤔

لا طبعاً لاتمسكينهم المصروف انتي اللي اعطيهم قولي مصروفكم عندي لين مايكبرون ومسكيهم فلوس مثلاً ادخلوا المتوسط اما اذا ابتدائي والله بتضيع الفلوس انا مااعطيهم بيدهم ابوهم يعطيهم مصروف كل صباح ومثلاً كل شهر ناخذهم ونشوف وش طلباتهم بس كلهم مثل بعض مثلاً هذا 100 ذاك 100 ماتزيد واذا زادات اعطينى الاول نفسه واذا نقصت نمسكه بيده نقول هذي فلوسك الباقيه وكذا ولا كذا يرجعون يعطوني فلوسهم ادسها عندي

على حسب اعمارهم
اذا كبار فوق الثانوي يعطون مصروف شهري
واذا بالمتوسط او الثانوي يعطون اسبوعي
احس اللي بالابتدائي واقل مايعطون مصروف بيدهم لانهم مايقدرون احتياجاتهم ويضيعونه

فيه فكره ان لكل واحد مكافأه شهريه غير عن المصروف تكون ترفيه لهم ولو قليله
وتصير حافز لهم وممكن يتعاقبون وتخصم من مكافأتهم اذا غلطوا

أنا اعطيهم كل يوم ارييح لي

اكيد كل مرحلة لها مبلغ خاص فيها
انا اللي في الجامعة غير اللي في الثانوي غير اللي في المتوسط غير اللي في الابتدائي
وعادي ليه يزعل قولي له اذا وصلت للعمر هذا زدت مصروفك
عني اعطيهم شهري
لكن مو كلش يشترونه منه صراحه وكل بيت عنده طريقته الخاصة في ادارة المصروف
مثلا انت زوجك يعطيك بس حق الفسحة واغراض الفسحة والباقي مكتفل فيه
انا يعطيني كلش لهم وانا اللي احدد كم مصروف كل واحد الشهري واغراضهم الخاصة والملابس وكلش فيها
الا الفسحة اليومية هو يعطيهم اياها
طريقتي وقايله لزوجي وللعيال
اللي محتاج هو اللي له النصيب الاكبر
مثلا واحد متغير حجمه وطوله ومحتاج تغيير من الى هو المقدم في مصروف الشهر من واحد بس يحتاج غيارات معينة والباقي موجود وممكن يمشي نفسه بالموجود الين الشهر اللي بعده
اللي عنده اعمال دراسية او امور مهمة هو المقدم على اللي مثلا بيسوي شي كهواية او عمل يدوي له ووناسة
اللي مثلا عنده حاجة للمدرس هذا الشهر مقدم على اللي ما يحتاج
اللي عنده مثلا جزمتين للشتاء وما تغير مقاسه والثاني تغير احط للي متغير مقاسه واشتري له حاجته
وزي كذا تقسيمي للمصروف
مو اني مثلا لازم اشتري للبنت كل شهر ب 100 وللولد ب 100 سواء محتاجين او لا
اذا البنت هذا الشهر محتاجه والولد لا
ومحتاجه كل ال200 استخدمها لها
والعكس
طبعا اتكلم عن ميزانية الاشياء الثانية غير المصروف
المصروف يجيهم شهريا مهما كان الوضع
ويكون مثلا بيطلعون مع اصحابهم او بيخبونه ويجمعونه يبون يشترون شي انا ماعندي مانع يشترونه بس ما اقدر اجيبه لهم
يبون اشياء كمالية ومو مهمة


طبعا يجي لي ضغط في الميزانية لكن الحمدلله هذي هي الدنيا ما تصفى لاحد اهم شي امورنا ماشيه