مصروف شهري لأمي

هل بنات
شلونكم
أنا موظفة و زوجي الحمدلله طيب معي و بخير ما يقصر علي في ولا شيء ماشاء الله و يعطيني بين فترة و فترة مبلغ حلو مو مصروف بس يعني مبلغ حلو بين فترة و فترة ماشاء الله
انا الفترة هذي انا و زوجي كلنا انضغطنا نفسياً و جسدياً ،، سويت عمليات تلقيح و حقن مجهري و اكيد كثير يعرفون التكلفة مو بسيطة الحمدلله قادرين عليها بس يعني ميزانية مو سهله ،،
و نقلة بيت جديد يعني امور كثيرة و صرت مكتفية في راتبي هالفترة وما اخذ من زوجي شيء لاني حاسه في الضغط الي يمر فيه بس يعني استخدم بطاقته في الشغلات الاساسية سوبرماركت مقاضي للبيت زي كذا ،،
مالكم في الطويلة انا أحول لأمي كل شهر من يوم توظفت بس الشهر هذا ما عاد اقدر و حتى الشهر الجاي مو قادرة خصوصاً ان صارت لي ظروف و غبت عن العمل و انخصم من راتبي كثير و أحس بخاطرها بس ما عندي ما قالت لي شي بس كذا احس 😔
مدري وش أسوي و ابي أجمع لي مبلغ أشتري لي سيارة و لما امشي و اعطي ما عاد يبقى لي شي عرفتوا مدري فاهميني او لا بصراحه تعبت ،، و اكيد بس يتحسن وضعي برجع احول و من طيب نفس بس كل العاتق علي عشاني الكبيرة الموضوع قاهرني مره حتى في بيت اهلي لما ازورهم كم يوم يتوقعون مني اشياء كثيرة! يعني اذا استخدمت سواقهم عبيت بنزين و اذا جيت اجازة كم يوم عندهم امر سوبرماركت اجيب اغراض و اذا طلبت من مطعم طلبت لهم معي و اذا حسيت احد فيهم محتاج شيء والله ما أقصر في الي اقدر عليه بس تعبت 😭الفترة هذي مضغوطة مره مره مررره😭😭😭😭
حتى واحد من خوالي على قد حاله كل ما جانا والله ما أقصر فيه ووحده من خالاتي نفس الشيء ظروفها على قدها بين فترة وفترة اعطي أمي تعطيها المقسوم و جتني امي قبل كم يوم ، تقول خالك مواعدته أعطيه المبلغ الفلاني هديه له قلت طيب وش اسوي انا اعطيه يعني؟ قالت لا نص انا و نص انتي عشان ما اثقل عليك قلت انا ما اقدر ،، جايني تأنيب ضمير لاني مو قادرة بنات انصحوني شوروا علي احس بتأنيب ضمير ما عاد أقدر كل مالها إلتزاماتي تزيد والله مو قصدي أقصر أو اترك أحد او ما أتصدق بس مو قادرة 🥹


بنات نفسيتي دمار الحمدلله يارب زوجي كويس معي و فترة و بتعدي إن شاء الله بس شايله هم 🥲🥲 الفترة الي أمر فيها الحين مو بسيطة