مصروف ياناس مصروف

لي 8 سنين متزوجه
اول ماتزوجت زوجي كان يعطيني مصروف 1000 ريال ومره دخل جمعيه مع اخوياه 3 شهور وطلب مني اتنازل عن المصروف لانه بينضغط هالاشهر وافقت كرما مني وتضحيه
لكن الحاصل بعد ما انتهت ال 3 شهور قال لي عشتي ال 3 شهور بدون مصروف وعاااادي مايحتااااج مصروف خلاص ولا هو لازم
جزا المعروف بدل مايعضوني يعطيني من الجمعيه هذا رده لي وشكره

المهم انقطع عني المصروف الى يومك
كلمته بالطيب بالقوه مافي امل يقول اللي ينقصك اجيبه لك مع ان الكلام مو صحيح لو ابي شيء لازم يقتنع فيه ومستحيل يقتنع بشيء كل شيء ماله داعي
اطلب روج ماله داعي اطلب صابون مغربي ماله داعي اطلب واطلب اطلب واطلب واطلب كله ماله داعي
صاير بس مقاضي عيدين
حتى طلعت الاربعين معطاني شيء اشتري لنفسي
كل شيء من عندي طبعا بدون علمه اذا رحت لاهلي كملت الناقص علي وبدون ما اقوله جوالي دايم مايرسل واذا انشحن اهلي اللي يشحنونه هو ممكن يشحن لي في السنه مرتين
حاولت وحاولت وحاولت مافي فايده جوالي على حسابي مع اني مو موظفه
المهم امس احاول فيه قال وش تبين بالمصروف فلوس مافي 00مع العلم ان راتبه يتعدى 15 )))
اطلب عمره فلوس مافي
وعلى نفسه مايقصر جواله ايفون ويشترك باغلى النوادي والجزم الرياضيه الله يكرمكم اللي يمشي عليها بعضها ب 800 وبعضها ب 500 انا لبست العيد ب 500
واذا اخذ اجازه طلعت الفلوس وسافر برا مع اخواياه واحنا يستكثر يوم واحد في جده اقول ماتبي تصرف في جده الحرم ببلاش خلينا نروح نصلي وكلها مافي امل
المهم امس قلت له انت معيش نفسك في مستوى غير عن اللي معيشنا فيه
وجاني الرد كالصاعقه
انا اطلع واقبل ناس وواجه عالم وطبقه راقيه لكن انتي تقابلين مين ((مع العلم ان مجتمعه طعوس والديره اللي انا فيها طعووووووس )) معليش لاتلوموني عالهلكلمه بس هذا اقل وصف لهم
انا ساكنه بعيد عن اهلي ومن تزوجته مايحبني اروح لاحد حارمني احتك باي احد اخوياه يجتمعون بعوايلهم وانا ممنوع اروح معهم مالي اروح غير لامه وخواته بسسسس واذا صار مناسبات لقرايبنا فقط

لكن مجتمعي عند اهلي غير اطلع واروح واقبل العالم قرايب او صديقات واستراحات باستمرار

رده صدمني وقهرني يعني هالسنين اللي كان يحرمني اقبل العالم علشان لاشغله اشتري انا اقابل عالم واشوف

يبيني حصريا لاهله :(

حسبي الله ونعم الوكيل ولا حافز بعد شكلها مطوووووله :(