مصريات بالغربية ادخلوا

اب

رفع

بصي هوا سهل جدا
هتجيبي مثلا نصف كيلو لحمه مفرومه وتكون مفروم معاها دهن
و بصلتين كبار مبشورين
وفلفل اخضر متقطع صغير وقرن فلفل حامي لو بتحبيه حراق شطه
وواحدة طماطم متقطعه صغير
وفصين توم مفرومبن صغير ودا اختياري لو مش بتحبي التوم بلاش
ملح وفلفل اسود وكمون و بهارات حواوشي أو بهارات لحمه أو سبع البهارات
وبعدين كل ده ف بولة كبيره وتعجنيهم مع بعض كويس وتسيبيه من نصف ساعه لساعه ف التلاجه
هتجيبي عيش بلدي مصري من أي فرن بيبيع عيش مصري وبعدين تجيبي اللحمه وتفرديها جوا رغيف العيش بالمقدار إللي تحبيه وبعدين بالفرشه السيلكون تمسحي رغيف العيش من برا من فوق وتحت بسمنه أو بزيت إللي تحبيه
طبعا الفرن يكون حامي شويه بس مش قوي
تجيبي صنيه وتدهنيها سمنه أو دهن وترصي عليها العيش إللي حشتيه وتخليها علي نار عاليه مش بياخد وقت بيتستوي من ١٠ دقايق لربع ساعه بس خدي بالك لازم تبصي عليه كل شويه وتقلبيه ع الوحشين عشان ياخد لون
وبالهنا