هههههههههه

حبيبتي شلالات نياقرا

موب شرط كل القصمان عندهم هالكلمات اللي كاتبينه البنات

لأنهم حضر وبدو فالكلمات اللي تنقال عند الحضر >>خصوصا أهل بريده

موب شرط تنقال عند البدو .. البريداويين

والله ياهم فله بكلامهم عندي ولد عمي من اهل بريده وعياله لا جاء يمنا

بس نتسمع لهرجه ونضحك كلامهم يجيك ممدود يمطون الكلمه مثل وينهوووبوهـ

لكان كل مااتجهتي غربا تختلف اللهجه شوي مع ان اهل عنيزه وبريده متشابهين الا حد ما

يبدأ عندك ظهور واضح وجلي لحرف السين >>>مع ان بعض أهل بريده وعنيزه عندهم حرف السين

مثل وشلونتس ..وشخبارتس ....وشبتس .. تسذا >>بنت خالو معقدتني بهالكلمه بس تعلق علي

هذا بالنسبه للهجة أهل القصيم

وفيه شي ثاني لكل عائله كلمات معينه تختلف عن العائله الثانيه لو انهم جيران ..

و الكلمات اللي تنقال عند العائله ماتنقال برا نستبدله بكلمات ثانيه بنفس المعنى

مانقوله قدام الناااااس أبدا أبدا

الكلمات اللي نقوله بينا اذا أحد يأكل بشراهه نقوله قام يلبد ههههه

أما واحد مو مشتهي الاكل نقوله تعال نقنق معنا

واذا أحد كثر من التسذب نقول للي بجنبه امسك امسك الارنب مرت من جنبك

هذا اللي أذكرهـ الحين والكلام هذا بين يالعائله فقط ماأحلانا نقوله قدام الناس ههههه..

تقبلوا فلسفتي وهذرتي .. شكرا ياصاحبة الموضوع

هههههههههههههههههههههههههه


يآكثرررر المووصطلحآآت الي في البيت هع


عوآآفي ع الموزوع حبوبهـ..

هههههههه
حنا نقول اذا طفشنا من وحدة خنق >>>>يعني تطفش زهقتنا
واذا جت وحدة تثبت حاجة قالت هاة هذا وجهي تراني قنيدة ام الرعيااان >>>>>مشفررررررة
الضال في ضلالتة مثل المدل في دلالتة >>>>>يعني الي يمشي غلط في حياتة وماعلية من احد
حازمة خشمها >>>>>يعني اليوم فلانة زعلانة
فلاهلا ولاتراحيب >>>>يعني مانتي مرغوب فيك
لي عودة ماخلصت كلاماتهم هع هع هع

حنا اللي يزعل نقول زعل ابو جعل :16:
واذا بنتكلم عن بزر وهو جالس عندنا
فنقول بعض الناس اختي الصغيرة صارت اذا سمعتها قالت اكيد انا ههه
واي حاجة مانبي احد يدري عنها نسميها سيكو سيكو هذي متوارثة من خالاتي لبناتهم
الزعولة نسميها طنقورة
واذا ماعجبنا شغله نقول عشتووووووووو :42:
اذا شفنا احد مهتم بشي نقول مدهر او مدهرة
اذا وحدة سوت شي غير متوقع مثلا
هي قوية بس اذا سولفت قالت اخاااف نقول ياهولي هولاه
او وحدة مقاطعة العالم فجاة تطير فيك نقول ياهولي هولاه
طبعا قبل الزواج دايم نقول اذا جاء السنافي ان شاء الله :22:يعني نسمي زوج المستقبل السنافي
وفيه كلمة بينا حنا وبنات خالتي اذا صرت ابي اراضي وحدة اقولها فلاااانه احبسسسسس بالذات ان بنات خالتي كويتيات تجي معهم مضحكة غصب ترضين
اذا وحده طلع صدرها نقول يااليسا غطي
اذا مثلا وحدة جلست بسرعة وطلع فخوذها اوملابسها الداخلية نقول سكري الدكان مفتوح

طيب بعترف لكم باعتراف هذا خاص فقط ببيتنا وهو اذا كان معي الريموت وجيت اعطيه اختي اقول وعد خخخخخخخخ عشان اذا رجعت تعطيني اياه ههه