بعد مشاركتي الأولي في قسم إطباق عزيزة الساخنة بطريقة المجدرة بالرز وبعد الردود الطيبة الي جتني تشجعت وحبيت اشارك مرة ثانية بأكلة مش جديدة بس أنها علي طريقتي الخاصة
لأني هاليومين إنا وابو الشباب مسويين حمية وقلت بسوي الأكل المعتاد بس باقل كمية زيت ممكنة لان الحرمان في الأكل الي يخلي الواحد يكرة الحمية ولايكمل
بسم الله نبدأ مقادير الطبخة
1لحم مفروم عجل او غنم
1كلم باذنجان حبة كبيرة
3حبات بصل مقطع صغير
2 فص ثوم مدقوق
2حبة فلفل رومي
2حبة طماط ( بعد ماتحطينها بالماء الحار تقشرينها وتقطعينها)
كزبرة خضراء
دبس الرمان
صلصة
زيت زيتون
بهارات(2حبة ماجي-كزبرة ناشفة-كمون-كركم-فلفل احمر واسود-جنموتو)
الطريقة
نقشر الباذنجان بالطريقة الي تحبين وإنا أفضل أقشرها بالطول بشكل مخطط
نقطع الباذنجان حلقات
نصف الباذنجان بالصينية بعد ماندهن الصينية بالزيت عشان ماتلزق وتكون كميتة وسط تقريبا إنا حطيت مقدار فنجال قهوة صغير
ندخل صينية الباذنجان بالفرن ينشوي علي نار عالية شوي 400درجة مئوية
ونقلب الباذنجان علي الوجهين لين يستوي وينشوي بطريقة جيدة بدون مايحترق طبعا
في هالوقت نحط اللحم المفروم علي المقلي ونحمسة بطريقة نفكك فية اللحم عن بعض بانك تجيبين شوكة وتضغطي فية علي اللحم لين يطلع الماء وينشف ويضل اللحم متفكك عن بعض
نضيق البصل و الثوم نحركة شوي مع اضافة شوي من زيت الزيتون علي حسب الرغبة
نظيف الفلفل الرومي والطماط والبهار والماجي والصلصة ونخلية علي نار وسط
في الاخير بعد ماننتهي حمس ونطفي النار نضيف الكزبرة الخضراء
ودبس الرمان وكاسة شاهي ماء
نصف الباذنجان بالصينية
ونحط علية حمسة اللحم المفروم ونظيف جبن مبشور
نغطي الصينية بالقصدير ونفتح بالقصدير فتحات ونخلي الفرن علي 400 درجة مئوية لمدة نص ساعة أو ساعة الأربع
وبعدها نقدمها مع سلطة خضراء أو متبل انا زاد عندي باذنجان مشوي من نفس الطبخة وسويت فية متبل باذنجان
صينية الباذنجان لذيذة وإذا جيتي تاكلينها ماتلقين اثر للزيت ابد وطعم الشوي فيها مميز
وبصحة وعافية تهمني ارائكم وياليت تدعون لبنتي بالشفاء ولصديقتي نورة بالرحمة
ودمتم بصحة وعافية]
فعلا منظر يشهي
والله يشافي بنتك يارب ويرحم صديقتك والمسلمين جميعا