في نظري لو اتى رجل مناسب مهما كان عمري ووضعي ودراستي ليش ارده بحجة اني ماكملت دراستي اللي تحرص على التفوق والاهتمام بالعلم مايعيقها شي قدام مستقبلها وحلمها
وتقدر تشرط عليه بعقد الزواج انها تكمل دراستها ويجي التفاهم بعدذلك مع زوجها عن وضعهم بالدراسة وتوفق بين بيتها ودراستها
كل هالامور تنجح اذا كان فيه اصرار وعزيمة مو من اول ولد تتعب وتقول مااقدر اكمل
هذي مالها هدف او ماتتغلب على الصعوبات اعرف كثير كانو معي بالجامعة متزوجات واللي تجي حامل واللي عندها سته بنات بالبيت ويدرسون كلهم ومع كذا مواصلة تنقطع فترات وترجع
لان في بالها التعليم
عن نفسي انا ادرس وموظفة وموفقة بين الاثنين غير كذا لي نشاطات اجتماعية في لجان ثقافية ومراكز
وادرس نفس الوقت لغة في معهد واروح للنادي بعض ايام الاسبوع يعني وقتي مليان والبي الدعوات للحفلات والزيارات بشكل قليل بس المهم مثل زيارة مريض او اهل واقارب بالاعياد والزواجات وهالاشياء تبعدني عن التفكير بالزواج لاني احس بحرية قراري وحياتي ويخليني اهمل هالموضوع
واحس اني وصلت للي ابيه لكن في نواقص ابي اكملها في دراستي ولو فكرت اني مااتزوج الا لما اخلص تعليمي كله ماتزوجت ابدا وماكان هالتفكير في بالي نهائيا الا لما كنت بالثانوية قلت بعد الثانوية فيها حلال ماراح ارفض لو تقدم لي انسان كفؤ وش يضمني يجي بعده واحد زين ماابي ارفض نعمه قدمها لي رب العالمين
وانشاء الله يجيني ابن الحلال اللي يفهمني ويقدرني ويحترم عملي وعلمي ويشجعني اكثر
ادعو لي يا بنات حواء بالزوج الصالح
في نظري لو اتى رجل مناسب مهما كان عمري ووضعي ودراستي ليش ارده بحجة اني ماكملت دراستي اللي تحرص...
هذاهو السؤال,,,نحن شو عرفنا بدخيلة نفس كل شخص؟,,وياما قرينا عن حريم تزوجوا "شخص صالح" وفي الأخير طلع .....................أنتوا كملوا الكلام
المظاهر خداعة,,الوحدة خلاص بتفترض الصلاح بناء على شهادات الناس وهو في الحقيقة شخص فاسد وبتتزوجه,, اذا كملت دراستها النتيجة واحد من الاثنين:
يا إما تنصدم بزوجها وتتعثر دراستها وفي الأخير تقعد في بيتها
يا إما زوج من النوعية الفاسدة اللي مستحيل يخليها تكمل دراستها,,وقرينا عن أزواج قبل العرس كلام(الموافقة على الشغل,,الموافقة على الدراسة) بس بعد الزواج يغيرون رايهم والمحصلة تترك دراستها عشان "الرجل الصالح" اللي ما يتعوض
وبتعيش معتمدة عليه لأنه ما عندها شهادة وبتخاف الطلاق وترجع لأهلها وهكذا دواليك,,نفس القصص اللي نقرا عنها في باب أنا عندي مشكلة
شو اللي كالفنها؟؟لو على الأقل صبرت كم سنة وحازت شهادة,,,الدنيا فيها اكثر عن فرصة,,مب من اول عريس الوحدة تطير ما تصدق,,واذا تخرجت واشتغلت وما عرست,,هل تقعد تندم وتقول ياريتني قبلت بفلان؟؟عسى أن تكرهوا شيئا هو خير لكم,,ويمكن سبحانه وتعالى مدخر لها فرصة احسن وتفضل,,شخص يقدر الجامعية المتوظفة الناضجة,,,,
وحاليا قريت معدل سن الزواج في الخليج بيرتفع أسوة ببعض الدول العربية,,وصار عندنا معدل سن الزواج للبنات من 26-31 بعد ماكان 20-25 نتيجة للغلاء(وأقصد غلاء المعيشة) واقبال الفتيات على التعليم,,وممكن يزيد المعدل في السنوات الثلاث القادمة نتيجة لتزايد الغلاء
نحن في الامارات عندنا الغلاء ماكل كل شي واتوقع يزيد معدل سن الزواج,,خلاص كل شي يتغير,,قريت حتى الأهل اللي يعرسن بناتهن في سن صغيرة "بيرضخون" لهاتغير بسبب الغلاء,,ما في ايدهم حيلة
وفي الأول والأخير,,,الزواج قسمة ونصيب,,لا تقعدون تحاتون وتسوون منه قضية حياة او موت,,,سبحان الله يمكن تكون لكم حياة افضل من المعرسات ما تعلمونها في الغيب عند رب العالمين,,وشوفن ماسي المعرسات هني في المنتدى,,,
والحمدلله على كل حال