مصممة يالغالية هلا وغلا فيج ومراحب فيج مليووووون في عالمنا الوردي الحلووو

أتمنى أولا تقضين أمتع الأوقات معانا .. واحنا كللللللنا <<< نصبت روحها المتحدث الرسمي عن المنتدى

احنا كلنا ألحين خواتج في الله .. ونحبج في الله

وهذا قبل اي شي ممكن يكون سبب لتجمعنا في هالمنتدى الأكثر من رائع

ثاني شي .. الله يوفقج بالدنيا والآخرة ويجزاج الخير وين ما تروحين على نواياج الحلوة باذن الله ..

آخر شي هو طب صغنون ويارب ما يكون ثقيل عليج .. بس بصراحة عاجل اتمنى تفيديني اليوم لاني ابي اروح اشتريه اليوم وبصراحة ماعندي وقت ااجل الروحة ..

هو عن الواكس او الكريم اللي يستخدمونه لاخفاء الشعر الزايد بالحواجب

بصراحة ما ابي انتف خوفي من رب العالمين .. وعشان جذي ابي تفيديني باحسن نوعية .. في بنت جزاها الله خير نصحتني اشتريه من ميك اب فور افر و قريت هم موضوع عن هالشي بالمنتدى ينصح باستخدام كونسلر قلم من ديور .. الصراحة محتارة انا للحين ما رحت السوق ولا جربت اي واحد .. فاذا انتي تقدرين اليوم وقبل الساعة خمس تردين لي خبر :( ..

والله والله يكون لك جميل برقبتي طول عمري لاني ما اقدر اتأخر لعقب الخمس لازم بهالوقت اروح السوق ..

<<<< باقي تحط عنوان البيت .. ما بقى شي ما قالته عن روحها


وبالأخير .. من قلبي اتمنى لج كل الخير ويارب يوفقج وتصيرن احلى واكبر خبيرة تجميل بالدنيا .. وتعطينا دورات << مصالح هالبنت هههههه


اشوفج على خير


دندونة

حياك الله عزيزتي..
وجزاك الله خير على نيتك الطيبه بمساعدتك لخواتك في المنتدى..
:26:

ياهلا فيك والله....
بصراحه ماراح استغني عنك إذا جيت اجهز...
تحمليني عااد...

سؤالي ما هو افضل كونسلير..

وما هي افضل ماركه للفتيات ما تكون قويه على البشره

ما هو افضل اساس للبشره الصفراء الباهته

واخيرا:: ما هي افضل اقلام تحديد العين من الداخل الالوان الفاقعه الواضحه مثل التركواز و الاحمر و الوردي و الازق بس تكون الوان واضحه و ايضا الماسكرا

وفقك الله

حبيبتي مشكوره علي التطوع وانج تبين تردين علي اسئلة البنات
انا سؤالي شنو احسن بودرة اساس تناسب البشره المختلطه واللي تصفي البشره
مع العلم انابشرتي وايد دهنيه عند منطقة الانف واي شي احطه بعد فتره يبقع وعندي مسامات واسعه فشنو بتنصحيني بشرتي بيضه