مصيبة موت الله يكفينا تكفو اسعفوني بحل

ياأخواتي حصل مشكلة لاهي على البال ولا على الخاطر ويريت الي تعرضت لمثل هذا الموقف في حياتها ولقيت له حل تسعف اختها المسلمه الله يسعفها بالجنة
مشكلتي هي
عندي في المطبخ فريزر وكان معبأ سمك على لحم على خضار مجمد المهم جميع أنواع الأكل المجمد فيه وبعدين هو موصل في الكهرباء وجنب منه موصل المايوكرويف وكنا رايحين اجازة لمدة ثلاثة اسابيع خارج جدة يعني في مدينه ثانية
المهم الصباح قبل ما نمشي قلت للشغاله سخني سندوتشات للعيال عشان يأكلوها في الطريق
سخنتها وبدل ما تفصل المايوكرويف فصلت الفريزر بدون ما تدري.
المهم سافرنا ورجعت بعد 3 اسابيع الله لايوريكم سكان العمارة لقيونا في الطريق يصرخوا من الريحه الي ما احد يقدر يوصفها ابدا
أنا اول ما دخلت البيت اغمي عليه من الريحه راح زوجي دور لنا على شقه مفروشه
وجاب عمال طلعوا الفريزر برى وشالوا الي فيه وغسلوة بجميع أنواع المنظفات الي في البي ولكن دون فائدة.
الحين الفريزر حقي في البلكونه من شهر ونصف وكل يوم تغسله الشغاله ولا فيه فائدة الريحة خفت لكن لسه فيه ريحة عفن قويه


تكفون ياخواتي الفزعه