مصيبة وضيقة لا يعلمها الا الله بنات ارجوكم ادعولي جزاكم الله خيرا

السلام عليكم احبائي بدخل على الموضوع على طول زوجي متغرب من اكثر من 4سنوات عمل تجارة هنا من فلوس الناس يعني الناس بتعطيه فلوس بيشتغل بيها وبيعطيهم ارباح شغله الحمد لله تمام وماشي بس هو الله يهديه مسرف ارباحه كانت تروح لاهله اصدقائه مين ماطلب منه مابيخيبه وماكان في شي بيرجع وهو بيحب المظاهر كثيرا فتح مكتب ومحلات وووو بالايجار وموظفين ورواتب كبر شغله وافتكر انه ممكن يصل لفوق بسرعة صار يجيب بضاعة فوق طاقته حمل حاله فلوس لاتعد ولا تحصى:09: كنت دايما انصحه وذكره وكنا نتخانق كتير بدون فايدة يعني نحنا متغربين بيتنا بالايجار حياتنا كلها بالايجار وماعندنا بيت ببلدنا ولا شي لا نملك شي الملك لله والان او من فترة 6شهور وقع الله يهديه كثرت التزاماته كثرت ديونه الناس اكتفت بالارباح وبدأت تطالب بفلوسها حتى صاحبين البضاعة بدهم ثمن البضاعة يلي الى الان لم تباع مركونة بالمخزن باع ذهبي وندم كثيرا وبكى ووو لا فائدة يريد اي شخص ان يموله بمبلغ كبير ليوفي الناس ويرجع يقف على رجليه حاول كتير وكتير ناس وعدته وخلفت معه تعرض كثيرا للنصب وحصل مشاكل تعب وانا تعبت معه كل يوم كلام على زوجي ويلي بيهدده ووو مطالبات مشاحنات مشاكل هو بيقول انه ندم وبده يصلح كل شي بس لازم يكون بيده فلوس وكمان الشقة يلي انا فيها تعبانة كتير ومقرفة من زمان بدي اطلع منها وبعد مالقيت شقة حلوة وحلمت فيها احلامي السعيدة واني حكون مرتاحة وحاسة بالاستقرار صار معه هيك مالي قادرة افرشها ولا اعمل فيها شي:( الله يسترنا يارب ادعولي ان ماارجع لبلدي انا وهو مكسورين في ناس هلأ واعدينه بمبلغ حلو وهو كتير متفائل لان اذا اخد المبلغ بيخلص من التزاماته وبيفرش لي البيت وبيصلح اخطائه وكمان بنرتاح من الناس ومطالبتهم ويلي بيدق على بابنا كل شوي والتليفونات المزعجة واهم شي سمعة زوجي بالسوق لانه تاجر والله مو حلوة يتبهدل يارب يارب افرجها علينا يارب ولا تشمت حدا فينا كل يلي حوليه بانت عليهم النعمة بيت وسيارة وسفريات وووو الا انا وهو الله يهديه الناس عاشت من خيره طبعا خير الله بس هو طائش الله يعقله يارب هو بيقولي اذا الناس ما وفت بوعدها اضربي على زوجك السلام يعني خلص بيروح فيها لا سمح الله لان هي مو اول مرة يارب تجبر بخاطرنا هالمرة يارب نفسي حس بالامان والراحة يارب والله مابدي لاترف ولا بذخ ولا غنى بس بدي الستر من عند رب العالمين وما حدا يتكلم علينا بالسوء ونعيش مرتاحين البال يارب يارب بنات طولت عليكم بس ممكن دعوة منكم صادقة يفرجها ربي علينا ويهدي زوجي ويعقله يارب يارب تقبل منا اجمعين لا تحرموني من دعواتكم مالي غيركم من بعد الله ارجوكم انا تعبانة جدا وخائفة خصوصا ان عندي طفلين صغار وانا بغربة والناس كلها حولينا مثل الوحوش وزوجي تعبان ومالي قادرة اقويه ولا اقوي حالي حاسة حالي يئست استغفر الله لا لما كان معه فلوس مريحني ولا لما وقع مريحني الله يهديه والله يعوضني عن كل يلي راح لاني ماشفت ولا يوم سعيد الحمد لله على كل حال وكمان صاير كل عصبيته بيطلعها فيني يوم بنصير اعداء ويوم احباب كرهنا بعض انا كتير مضايقة منه من كل يلي عم يصير لان هو السبب بس برجع بقول اكيد لطالما ندم بتتحسن الامور وبنبدا من جديد العمر عم يمر ومافي شي عم يتغير بس انا املي كبير يارب مع اني اهملت عبادتي ونفسي واولادي ووو يارب الصبر والثبات من عندك يارب يارب اصلح لنا الحال واسعدنا يارب السكاكين كثرت حوالينا والكل يريد الاذى لنا الله يحمينا ويحفظنا وسائر المسلمين يارب اللهم امين سامحوني بنات بس ياريت تحسو فيني يلا منتظرة ردودكم والسلام:(