مصيبتى

اعقدي النيه حبيبتي وتوبي لله توبه نصوحه انتي وحدك ساعدي نفسك بنفسك
وماعتقد ان خيانتك لزوجك حتى وانتي معاه تبرر بسوء معاملته لك فمابالك انك تطلقتي منه
يعني ف البدايه رفضتي سلوك الخيانه عند زوجك وطلبتي الطلاق وبعد ذلك والتضحيه بمستقبلك اصابك نفس المرض لا اختي الحبيبه مايصير اندمي على مافات وخلاص وقفي هنا واحمدي ربك على الستر وتوضي وصلي ركعتين وادعي ربك والحي بالدعاء هو حسبك ........وموفقه

والله العظيم انى حاولت عدة مرات والدعاء دائم على لسانى....حتى ذكر الله دائم على لسانى....انا كنت انسانه ملتزمه جدا قبل وقوعى فى هذه المصيبه...اللهم عافى المسلمين والمسلمات منها يا رب

الله يستر عليك اختي ..
حسي بمراقبة الله في كل وقت واستغفري الله ..
توبي توبة نصوحا والله غفور رحيم سبحانه وتعالى..
اشغلي وقتك باشياء مفيده وابعدي عن الحرام ..
اقطعي النت عنك فتره طويلة .. الى ان تحسين انك تغيرتي وما ارح ترجعين..
اجزمي وخلي عندك عزيمة .. واسألي الله الثبات ..
احمدي ربك على العافيه والستر .. لا تخربين مستقبلك بيدك ..
الله يهديك ويصلح حالك اللهم امين..

أول شئ لليش دايم المواضيع هده تكون من عضوات توهم مسجلين؟؟؟ ثاني شئ انت واضح انك عارفه الصح من الغلط يعني مو محتاجه لنصيحه من أحد, محتاجه تكوني حاسمه مع نفسك و خلاص و اشك ان القصه صحيحه و اكيد بعد يومين ما عاد نشوفك في المنتدى مثل كل اللي قبلك اللي قصصهم شيبتنا, الله يهديكم

مب مشكله اذا الاخت توها عضوة مسجلة ويديده
يمكن هي عضوة قديمة بس ما حبت تشارج بالنك عشان
محد يعرفها وبعدين هي يايه تعترف بشي مب زين، وأكيد ما
تتشرف بعمرها وهي تسوي تقول انا خنت وسويت كذا وكذا
شي عادي وخلونا نساعدها.....شي طبيعي انها بتختفي بعدين
عشان لايمكن تستمر وهي اعترفت بأشيا ما نقبلها في ديننا


شوفي اختي صاحبة المشكله انتي لين الحين تحت تأثير
الشيطان ووسواسه

تذكري قبل كيف زين لج العلاقات من خلال
الانترنت

وشوفي الحين وين وصلج!!!!!
علاقات غير مشروعة ويا اثنين
شفتي كيف الشيطان زين لج الغلط؟؟

مب حاطة في بالج ان طلاقج عبارة عن
اختبار من رب العالمين؟؟؟ انتي قلتي
انج حسيتي بالذنب بسبب خيانات النت
وتطلقتي........رب العالمين كان يبا
يشوف هل هاي كانت توبه منج او
شي ثاني...........شفتي وين وصلتي
عمرج؟؟؟ كنتي زوجة وأم عيال وألحين
عاصية ومرخصة بعمرج لاثنين وعلاقاتج
وياهم غير مشروعة

ما تخافين من الأمراض وخصوصا الإيدز؟؟
ما تخافين على سمعة عيالج؟؟ ما تخافين انهم
بيتمون دوم يعايرونهم بأمهم ,,,,وهم بدال ما
يدعون لج، يحتسبون ويدعون عليج؟؟

شوفي الفرق بين الوضعين !!!

شفتي كيف غضب الله عليج؟؟؟

مب خايفه؟؟؟ أكيد خايفة بس لحظة
الغلط الشيطان يزين لج الأعذار عشان
تستمرين........

شوفي انتي محاسبة على أعمالج كلها
ومحد من هذيلا اللي تمارسين وياهم
الغلط بينفعج.........هذيلا يسيرون ويا
أي وحده ترخص بعمرها مقابل متعة
زائفه يسمونها الجنس،،، يا ترى لو التحريات
القت القبض عليج أثناء ممارستج للغلط، هل
تعتقدين ان اللي وياج بيدافع عنج؟؟؟ هو بيقول
خلوها هي وخلوني أنا ؟؟ طبعا لا وبيقول كل
اللي فيج وحزتها كلام الحب كله بيتبخر
وبيقول هاي مجرد وحده حق الحرااااااااااام
وبنت الناس ما تسوي بعمرها جذه

خافي يا بنت الناس......انتي الحين ربج
غاضب عليج ويالس يشوف شو تسوين
وجدامج فرصة للتراجع وتصحيح الغلط

استغفري ربج وتوبي ترى في يوم الأخره
مافي دور ثاني تعيدين فيه حياتج في الدنيا
عشان تنجحين وتدخلين الجنه
فكري في العقاب اللي يترياج اذا انتي
استمريتي ، تخيلي عذاب القبر
ولحظة الحساب

اخلصي النية عشان تتوبين ولا تقولين ياما
دعيت واستغفرت، هذا بعد اختبار من ربج
اذا كانت توبتج صادقه ولا لا
الحين انتي بين وساوس الشيطان وبين التوبه
ومبين انج اقرب للشيطان، تلاحقي عمرج
وتوبي ، ترا محد بينفعج في هالدنيا غير أعمالج
الصااااااااااااااالحه

والله يهديج