مصيبتي مع الغيرة .. تعالوا اضحكوا

السلام عليكم... انشالله الكل بصحعه وعافيه

احترت وين احط الموضوع يمكنه يناسب الحياة الاسريه بس والله انه مشكله الغيره من كذا كتبت هنا وخاصه اني من رواد قسم المشاكل الاجتماعيه ماعلينا..

بنموت يالحريم ماماتت الغيره فينا

قبل فترة حصلت مشاحنه مع زوجي المهم قال: اعقلي ولا تزوجت مسيار؟؟؟
ذا الكلمة جننتني قال لي يمزح بس انا ماااااااااااش احس انه متزوج مسيار ويحلف لي وكل شي بس قلبي ماعاد يصدقه اشك فيه
واللي مثل زوجي صعب الشك فيه وصعب جدا مراقبته لانه اجتماعي مرررررررة مرررررررررة
ويطلع شبه يومي واخوياه واجد وصعب اعرف مع مين طلع :icon33:


المهم نجي للقصه :
كنت نايمه بدري الساعه عشر تقريبا ، صحيت من النوم 12 الا هو مش موجود بالبيت مع انه كان نايم بدري استغربت كيف قام من النوم وطلع وانا مدري ولا قاللي ولاعلمني

المهم كلمته ولاسمعت عنده صوت ابد لو رايح مع مجموعه كان سمعت اصواتهم اكيد طالع مع شخص واحد او رايح لشخص واحد الله يسسسسسسسسسسسستر


يوم رجع الساعه ثنتين سالته وين رحت؟ قال للشله الفلانيه علمني... وجلسنا نسولف شوي قال انا قابلت فلان وفلان
وكل شله ماتعرف الثانيه كيف قابلهم بساعتين وبعدين ماعنده اصوات اكيد يكذب


المهم لما نام فتحت جواله لقيت مسج مصيبه مرسله واحد من اخوياه الشبهه اصلن لانه مش ملتزم وراعي بنات الله يستر عليه بس كاتب :
05000000000من بسمه

انا مانمت الين الفجر وراح الدوام وانا مانمت وعلى اعصابي من بسمه هذي وليش فلان يرسل رقم ويقول انه من بسمه اكيد ان رجلي ماخذ اخته مسيار واسمها بسمه وهذا رقمها الجديد؟؟؟ او رقم واحد يزعجها؟؟؟
من بسمه اللي يعرفها زوجي ولا اعرفها ؟؟؟:angry2: :angry2: :angry2:
وطار النوم من كثر التفكير الين الساعه تسع الصباح وانا احاول انام قبل الظهر ماقدرت ...:09:

ومن كثر التفكير ومن كثر مااردد الكلمة بمخي :angry: انفجرت ضحك ضحك ضحك وارتحت:)
حتى ولدي ارتاع يقول : ليش ماما تضحكين
لان خوي زوجي الغبي الجاهل بالاملاء المفروض يكتب:
050000000000 من بأسمه؟؟
يسال الرقم مسجل باسم من؟ يعني من صاحب الرقم؟ بالعربي
لان زوجي موظف اتصالات
حتى علامة استفهام ماكتب الله يهديه روعني وطير النوم من عيني

الله يخلف علينا وعلى عقولنا صدق لو نموت ماماتت الغيرة من قلوبنا:26: