88888888

ولله حرام قلبي عورني عليها رجعوها لمها

البنت صغيره يعني صفحه يبضاء وعلى يدك يعني انتي امها ربيها زي ولدك وبالعكس اهتمي فيها اكثر الاهتمام وخليها تقولك ماما وهي اذا كبرت ماراح تكن لك الا اللي انتي طبعتيه فيها اذا حب وحنان اذا كبرت ماراح تنسالك هالشي ا كيد

يوووووه

والله العظيم موضوعك ضيق صدري بقووووه

والله ماتدرين عن الدنيا

تراها دواااااره

يمكن ربي ياخذ أمانتك ويرجع زوجك حرمته الأولى ويصير ولدك مكان هالبنت

هل ترضين إنها تعامله هذي المعامله

والله قلبي عورني

يأختي البنت عمرها صغيييير وفرصتك إنك تقربينها لقلبك وتكسبينها ....ماتدرين يمكن هالبنت تصير أحن عليك من

ولدك تعوذي من إبليس كل ماقسى قلبك

وأدعي في سجودك اللهم صب محبة هذه الطفله في قلبي صباً صباً

والله يهديك ويحنن قلبك عليها

والله يخليني لعيالي ولا يحيجهم لأحد

ياااااااربيه .. لو انا مكانك وربي الا اضمها بصدري واخليها تاخذ راحتها ..

والحمدلله الله مارسلها الا لك ولا لغيرك يمكن يضروها .. وانتي اكيد راعيه خير ولو انتي مو كذا كان ماحسيتي بالذنب منن صوبها .. والا فيك انك اكيد فيك كره من صوب طليقته السابقه لاشي اخر ومنه يوم تزوج على اللي قبلك بس استحمدي ربك انه لك لوحدك .. والبنت توها ببدايه عمرها يعني تقدرين تربينها بتربيه ترضيج قبل ماتزيد كراهيتج فيها .. تراها لو ماربيتيها من الحين بضيع هي وبتضيعين بعد زمن طويل وياها وبتعضين صبوع الندم طول عمرج ..

وتراا ماتدرين يختي .. يمكن لآكبروا عيااالك وتزوجوا ينسونك وهي الوحيده اللي تذكرك وتعينك وتعاونك حتى لو ماهي بنتك .. خليها تصير بنتك وانتي امها .. عطيها حنان لاتدوره عند غيرك وترا بعض الأطفال ماينسون تعامل الكبار بسهوله ناس تنسى وناس لا .. يمكن هي من النوع اللي ماتنسى وتالي ماتقدرين تنسينها طول حياتها .. مثلي انا اللي امي للحين تعاني مني ولاقادره تسوي شي يخليني انسى .. لاتخلي زوجك يلاحظ انك مقصره بحقها حتى لو انتي مو ملزومه تذكري اجرك على الله .. حطي احفادك بمكانك ترضين لو حد من عيالك تزوج وحده ثانيه تجي وحده وتعامل حفيدتك بلا شي او عيالك ..
لاتغمضضي عينك عنها .. العبي معها واستانسي وطولي بالج .. يمكن لو ماتحملتي فيها الله مايرزقك ببنت غيرها ابد على تعاملك معها !! يعني تعيشي بس بااولاد وبنات مايصيروا عندك؟؟ ..

وكل شي اختبار من رب العبااد .. اعتبريها بنتك واتعبي فيها .. احمليها روحي بها وارجعي حبيها وضميها .. وشيليها وحطيها حتى لو ولدك بيضربها لاتخليه يمد ايده عليها .. من تصيح سكتيها ولاتعصبي عليها .. حنانك ارميه فيها .. وصدقين كل شي بتسوينه اجرك بتاخذيه فيها ..

تبين اقولك انو بيت عمتي ولدها متزوج وحده .. واخته متزوجه واحد وطلقها .. عاد اللي صار انو البنت قال ابوها بيأخذها بس خالها مارضي بعدين تضيع عنهم وشكله مو راعي اهتمام وهيك يعني حتى مايسأل عنها .. وهو قال انو اذا امها بتاخذها بيأخذها مايبيها تتربى عند ناس غيره .. قال خالها انا مو غريب وباخذها ولعلمك الحين عايشه ببيت خالها وهو المسؤول عنها وزوجته تعتبرها وحده من بناتها ولاضرتها بشي .. تدرين ان محد من بناتها نافعنها كثر مانافعتها بنت اخت زوجها ؟؟!!!!!!

وتذكري الدنيا دواره وماتدرين وش اللي بيصير لك طال الزمن والا قصر .. فلا تقصري معها بشي وتحسسيها انها غريبه ..تحملي فيهاا وربي بيعطيك جزاك ..

واعيد واكرر تحملي فيها وربي بيعطيك جزااااااك ..

وطمنيني عليها وعطيني اخر اخبارك معها بين فتره وفتره بالخاص لأني يمكن ماارجع لهنا ..

وموووفقه