مجرد احساسك بالذنب يدل على ان فيك خير

ربيها لك وللزمن مثل ابنك تخيليها هي من راح تقوم برعايتك اذا كبرتي وابنك تزوج وزوجته اخذته منك

تخيلي الاجر الي بتنالينه من وراها

عامليها وكئنك انتي رحتي دار الايتام وكفلتيها وربيها بقلبك وبحنانك وكئنها يتيمه

حببيها في اخوها وحببي اخوها فيها
تخيلي لو قسيتي عليها وفضلتي ولدك ممكن الله يبتلي ولدك بمرض لاشفاء له
لذلك اعملي شئ حسن حتى اذا احتجتي لله ودعيتيه يكون عندك عمل صالح حلو تسئلين الله باحب اعمالك وهو كفالة وتربية هالبنت

الله يصلحك

يارب يحنن قلبك عليها
اسالك بالله ومن سؤئل بالله فليجب انك تروحين حالا وتضمينها حرام والله حرام ميسكينه لاحضن ولا اكل ترا المهيمن الجبار العزيز القوي يناظر فيك وتراه ارحم الراحمين بها لطفله وش دراك لايبلاك الله بسبب هالتعامل ويرجع زوجته لعصمته اتقى الله فيها ياعسل وربي يسعدك انتى وياها

موضوعك يدل ع ان ضميرك مو مرتآح وانك فيك الخير وماتحبين الظلم .. ولا كن النفس اماره بالسوء

تخيلي يوم من الايآم ربي يعاقبك ويسير في ولدك وبنتك نفس الي ييسير ببنت زوجك ..

البنت يعني مو كبيره تعاند ولا تنافخ ولا ولا .. البنت كبر ولدك سآوي مابينهم احضنيها اشتري لها ملابس والعاب يعني قربي منها

تخيلي وش كثر الاجر الي يجيك انك تطعمينها وتغسلينها وتروشينها

لاتفكرين في امها يمكن الغيره تسوي هاذي كلها.. اعتبريها يتيمه اعتبريها بنتك ترآها امانه في رقبتك وحآفظي ع الامانه والدنيآ سلف

ودين وكمآتدين تدآن .. مسكينه طفله محرومه من الام والحنان انتي المسؤؤله عنها اتركي غيرتك والشيطان وتعوذي من ابليس :(

واحمدي ربك انها صغيره تقدرين تربينها واذا كبرت تكون لك بنت وماتدرين يمكن هالبنت هي الي تنفعك وترفعك

تذكري ان زوجك ماجابها وقطع قلب امها عليها وفرق مابينهم الا انك اهل لثقه

امانه امانه امانه امانه ستحآسبين عليها .. احتسبي الاجر والله يصرف عنك كل سوء ويحنن قلبك عليها

وربي نزلت دموعي ياحظك بالاجر والثواب لا تخلين قلبك حديد حاولي وجاهدي ولا تستلمين ..


تخيلي ولدك مكانها محروم من الام والحنان والدفء والدلال وانتي مطلقه حرمك منه وولدك محروم منك ويآكل الاندومي من ....)

آآآه ياختي راجعي حساباتك واستغفري عن ذنبك وادعي ربي يحنن قلبك عليها

الدنيآ زايله ماراح ينفعك لا غيره ولا زوج ولا ولد راح ينفعك (( عـــــــــــــملك وبســـ ))

طمنينا عليك يالغاليه .. وكل كلامك يدل ع تربيتك واخلاقك العاليه

واتمنى نشوف لك اخبار حلووه وان معاملتك تحسنت :)

والله اني رحمتها الله يحنن قلبك عليها احتسبي الاجر في كل شي تسوينه لها وابدي معها بديه جديده كان عندك توئم والله يختي مايضيع عند الله شي وهذي طفله بريئه وعترافك بلخطا فضيله وذا لها درجه مانتي قادره خلي زوجك يرجعها لمها ولاتضلمينها مسكينه ما شافت من الدنياء شى

الله يحنن قلبك عليها ويهديك لها ...

قطعتي قلبي عليها والله من كلامك بس تعبت كيف لو انا اشوف