مصيبه صاحبتي ياريت تساعدونها فيها وبسرعه

السلام عليكم ورحمه الله وبركاته
اتمني من كل البنات يشاركون بحلول معقوله وماابي ادخل بمقدمات الموضوع مايتحمل وياريت ماتكون في ردود جارحه لانه البنت مو متحمله واحتمال ينهدم بيت كامل بسبب هالموضوع


السالفه ومافيها صديقتي وهي معانا بالمنتدي بس الموضوع حساس ماتبي تكتبه بمعرفها اختها الصغيره عمرها 21 سنه انخطبت الي واحد كانو فاكرين انه ولد حلال بس طلع حقير وامه وام البنت اكثر من صاحبات مثل الخوات وخطبها وتمت الشوفه وكل شي تمام وملكوووو الحين صار خلاف خفيف بينهم والولد يبي يفسخ الخطبه ومو هنا المشكله
المشكله انه دخل علي البنت طبعا أمها للأسف كان تسمح لهم يشوفو بعض من ورا ابوها لانه هي واثقه فيه وبامه وصار الي صار بينهم ةالبنت ماتكلمت لما تخانقو وحبو يفسخو البنت اعترفت لامها واختها والحين العايله كلهم حالتهم حاله لو البنت قالت للشيخ الي بيطلقهم انه لمسها ابوها بيذبحها من الطق واذا عرف انها تشوفه بعلم والدتها احتمال يطلق زوجته الا اكيد مو احتمال
وان سكتت البنت بتروح فيها اول شي حقوقها بتضيع وثانيا كيف ترجع تتزوج والكل عارف انها فاكه عقدها ومو مدخول عليها طبعا صديقتي الي هي اخت البنت كلمت ام الولد وحاولت انهم علي الأقل يتممو الزواج وبعدين يطلق علي الأقل العالم تدري انها دخل عليها بس هو رفض وقال مابصرف فلوس لصاله وماادري ايش عشان وحده بطلقها الحقير
واقترح عليهم انهم يدفعون له قيمه الصاله كامله والزواج والتكاليف يبي 50 الف عليهم ويتمم الزواج وبعد شهر بيطلقها بس المشكله انهم ماعندهم هالمبلغ حتي لو باعو ذهبهم وش الحل
تكفوون البنت حاليا متواجده بالمنتدي وتبي تسمع ارائكم وتبي حل لانه نهايه هالشهر الولد قال بيكلم أبو البنت انه خلاص بيفسخ الخطبه وأبو البنت عارف انه بينهم مشكله وانه احتمال يفسخ ودايم يسبه ويقول قلعته البنت الف واحد يتمناها لانه جامعيه وجميله وبنت عايله بس للأسف بينتهي مستقبلها للابد اذا سكتت واذا تكلمت بتخرب بيت أمها
عطوهم حل تكفون ربي يعينهم بمصيبتهم حالتهم ماتسر لا عدو ولا صديق ياااارب فرج كربتهم والي ماعندها حل تدعي لهم لعل وعسي ربي يفرجها عليهم