مضاااااااااار مشاااهدة الصوووووور الأبااحيه.....والأفلام الأباحيه

السلام عليكم ورحمة الله و بركاته

مضــــــــــار مشاهده الصور الاباحيه والافلام الخلاعيه

انا حاولت اني اجمع معلومات علشان ابسط لكم الشرح بالصور... راح احط لكم رابط ورقة علمية وايد عجبتني لانه الدكتور اللي سواها ذكر فيها كل أضرار مشاهدة الإباحية على الفرد والعلاقة الزوجية و العلاقة الأسرية و المجتمع... الدكتور اسمه باتريك فاجان Dr. Patrick Fagan اهو تابع لمجلس الأبحاث الأسرية Family Research Council




بنات الورقة هذي من أروع ما قرأت.. يا ليت تنزلونها وتودونها لمكتب يترجمها لكم ووزعوها على اهاليكم << ترى هذي وصية الدكتورة ماري آن بتوعية اللي حواليكم.








هذا رابط الورقة العلمية
http://downloads.frc.org/EF/EF09K57.pdf


تقول الدكتورة ماري آن لايدن Dr. Mary Anne Layden بجامعة بينسيلفانيا University of Pennsylvania

ان الباحثين استنتجوا من دراسة سووها على الفئران

عن طريق تثبيت قطب كهربائي electrode في مراكز إفراز الهرمون اللي يعطي شعور بالسعادة في المخ ووصلوا "القطب" من جهة ثانية بزر "دقمه" بحيث يقدر الفار يوصل لها بالضغط عليها علشان يعطي نفسه الشعور بالسعادة , لاحظوا الباحثين ان الفيران حبوا هالشي وقاموا يضغطون على الزر هذا بصفة مستمرة لدرجة انهم قاموا ينسون انهم ياكلون وينامون او يتزاوجون لين أدى ذلك الي موتهم. "عطوا نفسهم سعادة حتى الموت"




المثال انا ذكرته لانه هذا اللي يصير بالضبط لبني آدم لما يدمن على الصور الجنسية والافلام الإباحية لانها تثيره حتى الموت
1- الموت النفسي
2- موت العلاقات سواء الزوجية و الاسرية او العائلية
3- موت وظيفتكم و مهنتكم
4- موت إحترام النفس



قبل ما اشرح النقاط اللي قلتها راح اوضح شنو اللي يصير في مخ الانسان لما يبدأ يشوف هذي الصور الجنسية اللي دينا حرمها علينا
الدراسات اللي اجروها على المخ تقول ان المخ يبدأ يفرز مواد كيميائية قوية جدا لما يطالع صور خلاعية انا بذكر لكم بعض هذي المواد اللي هي :
1- الأدرينالين Adrenaline
2- الدوبامين Dopamine
3- السيراتونين Seratonin
تفاعل هذي المواد في المخ يشابه تفاعل المخدرات على مخ المدمنين مثل الادمان على الكوكايين Cocaine






هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 587x428 .







طبيعة البشر لما يتعرضون لمواقف شديدة من السعادة او الحزن او الألم راح ترسخ في المخ وترتبط هذي المشاعر مع الموقف اللي مر فيه الانسان، اوضح اكثر في المثال




يعني مثلا لو انتي سافرتي الى أوروبا واستانستي هناك وحسيتي بوناسه لا توصف شفتي الخضرة و تسوقتي و غيرتي جو و حسيتي "بقمة السعادة", فلما احد ايي يسألج ويقول لج شنو هي "قمة السعادة" ؟! على طول مخج راح يسترجع المواقف اللي مريتي فيها وانتي بقمة السعادة وبيكون جوابج: قمة السعادة اهي السفر الي اوروبا, النتيجة ان مخج ربط قمة السعادة في أوروبا . ونفس الشي يصير مع المواقف الحزينة او الأليمة و غيره



فلذلك راح نلاقي الحاجة الجنسية الطبيعية في فطرة البشر تصير مرتبطة مع المشاهد الخلاعية عند الناس اللي تشوف هذي المشاهد, راح تثبت هذي المشاهد و ترسخ في مخهم بانه هذا هو "الجنس الطبيعي"



شنو بيصير بعدين في المخ.. غدة المهاد التحتاني Hypothalamus gland في المخ اهي المسؤولة عن موازنة المشاعر وتنظيمها , فلما يزيد شعور معين عند الانسان تقوم الغدة وتسترجع الذكريات المختزنه في ذاكرة المخ وتشوف شنو الممارسات المختزنه اللي مارسها الانسان وحققت التوازن في هذا الشعور بغض النظر عن طبيعة الممارسات اللي مارسها سواء كانت هذي الممارسات صحية او غير صحية.
الصورة توضح في وقت الحزن او وقت الشعور بالضيق تقوم الغدة باسترجاع للذكريات المختزنه في المخ للممارسات اللي حققت السعادة علشان يقوم فيها الانسان لتحقق التوازن..ومبين في الصورة ان الاشياء اللي تحقق له التوازن كلها ممارسات مو صحية مثل التدخين و المخدرات والخمر, يقوم المخ يحن و يحن ويحن لين يسوي الشخص هذي الممارسات علشان يرجع الجسم للتوازن






هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 613x444 .






لكن الأسوء ان الشخص لما يشوف هذي المشاهد الخلاعية راح يحس بعدها بشعور قوي بالخجل والشعور بالذنب من الفعله اللي سواها, وعلشان يتخلص من هذا الشعور وويحاول انه يتحكم بهالشعور لتحقيق التوازن في مشاعره راح تشتغل الغدة مره ثانيه ويزيد إلحاحها علشان يتحقيق التوازن في الممارسة اللي تخليه يحس بشعور بالراحة والسعادة وهي مشاهدة الصور الخلاعية مرة ثانية .. ويصير الشخص محبوس في هذي الحلقة على طول و تتكرر هذي الفعله مرة ثالثة و رابعة و خامسة ..الخ, الصورة توضح اللي شرحته








هذه الصورة تم تصغيرها. اضغط هنا لعرض الصورة الكاملة. حجم الصورة الأصلي 66**530.هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 666x530 .







ومع كثرة مشاهدة هذي الصور الخلاعية راح تصير عند الشخص هذي المناظر عادية و ما تحقق له شعور بالسعادة فيطلب المخ تحقيق اكثر للتوازن مما يؤدي الى ان الشخص يشوف صور خلاعية اكثر وأكثر واكثر ومع الوقت راح يوصل الي انه يشوف ممارسات شاذة اكثر و اكثر. (طبعا الرجل معرض لمشاهدة هذي الافلام و الصور أكثر بست مرات من المرأة بسبب طبيعة تكوينه).





بالنسبة للمتزوجين: الرجل المتزوج راح ينعزل عن زوجته لانه ما يشوف فيها الانسانة اللي تقدر تشعره بالسعادة بممارسته للجنس معاها بسبب ارتباط سعادته بالافلام الإباحية. وأحيانا لما يتطور الزوج لمشاهدة الممارسات الشاذة ممكن يطلب من زوجته انها تحقق له هذي الاشياء و بيكون رد الزوجة يا إما الرفض او انها تستسلم له لكن بيتولد داخلها شعور بالإهانه والاحتقار مع الوقت راح تنفر من زوجها واحتمال انهم يوصلون للطلاق (موت العلاقة الزوجية).
هذي الممارسات الشاذة راح تولد ايضا في نفس الزوج قلة احترامه لنفسه (موت احترام النفس).
وممكن يندفع الزوج لممارسة الجنس مع بنات الهوى وبالطريقة هذي راح يكون عرضة للأمراض الجنسية.



بنات ترى الموضوع مو هيين ولا هو سهل..انا كتبت باختصار بعض الاجزاء ..لو تقرون الورقة العلمية راح تفهمون كل شي بالتفصيل.. بتقرون عن تأثيرها حتى على عيالهم و تأثيرها على مخهم راح توديهم لامراض عقلية و تشوة لهم مفاهيم الجنس الطبيعي (هالشي يؤدي الي جنس المحارم مع خواته او بناته او يندفع انه يسوي جرائم الاغتصاب ..الخ). تقول الدكتورة "مارى آن" معظم الرجال لما بدأوا يشوفون هذي الافلام كان بدافع الفضول ومع الوقت هالشي ادى انهم يسوون ممارسات غير قانونية, و تقول بعد ان اكثر الرياييل في البداية كانوا يشوفون بعض الممارسات الشاذة و كانوا يتقززون منها لكن خلال وقت قصير صاروا اهم بنفسهم يمارسونها.


ياليت تنزلون الورقة و اترجمونها بمكاتب و تعطونها لاخوانكم و ازواجكم و للتوعية


للمساعده عن الاقلاع عن ادمان الافلام و الصور الإباحية, هذا الموقع للدكتور دوج ويس Doug Weiss


منقول