بدخل في الموضوع على طول انا متاخرة في الحمل الحين سنة وانا الحمد لله قبل
عندي بنت عمرها الحين 8 سنين من بعدها حملت طبيعي وصار اجهاض في الشهر الاول او شهرين المهم الحين ماخليت كلوميد وابر تفجيرية واعشاااااب واخيرا رحت للمرخة مرختني 3 ايام قالت عندي الرحم ناازل ومايل وسوت كاسات هوى في وقت الدورة وانا من صوبي كنت اشرب ميرمية على اناناس على خزامة ماخليت شيء الا سويته بيتي صار كله ريحة اعشاب وبالخصوص الحلبة المهم الحين باقي على دورتي 4 اياام وعندي الم بالبطن تحت السرة من يوم التبويض للحين مستمرررر الم فظيع والم في الظهر ودوووخة وغثيااان وادا كنت يالسة وقمت احس الارض تدور واقعد وحرررقة في المعدة ومروورة في ثمي وكثرة اللعاااب وريحة البول الله يزكن قوووية والم في الصدر كان نفس وخزة الابرة بس اليوم صار الالم اقووووى بوااايد لدرجة ما اقدر اتنفس
لبااارح رحت عند الدكتورة اول مرة اروحلها وسوتلي كشف ع الرحم قالت ممتاز وعقبها سوتلي سونار داخلي والمفاجئة قالتلي عندج كيس ع المبيض اليمين حجمه 3 وكيس ع اليسار حجمه 4 انا انصددددمت ماقدرت اتكلم قمت قلتلها يعني ماشيء حمل قالتلي يمكن يكون في وايدين يكون عندهن ويحملت عادي وعطتني مسكن الام قلتلها والاكياس مابتعطيني حبوب او ابرة عسب يطيحون جان تقولي لا مابعطيج بيروح بروحه وانا مستعيله ع الحمل كيف بيروحون وقاتلي لو تاخرة عليج الدورة ردي اسويلج فحص حمل انا خاااااايفه هيه ولبارح صار جماع ويوم رحت الحمام حصلت افرازات شفاااافه ووسطها نفس دم نفس الشعرة مادري راسي يعورن مب فاهمة اي شيء الي مرت بنفس تجربت تفيدني بنجن يابنات مب قادرة اصبر اربع ايااام وغير عن جي لو مكان حمل كيف بخصوص الاكياس هاي شو اسوي ؟
واخر دورة لي كانت تاريخ 31-10-2013 ودورتي الحمد لله منتظمة وطولها 30 يوم
والسموووحة طولت عليكن بس والله اول مرة اكتب في منتدى الموضوع هدا وابى تجاربكن ونصايحكن
والي تعرف دكتووورة شاااطرة في ابوظبي ماتبخل علي الله يجزاكم الجنة يااارب ويرزق كا محروومة