مضايقه ليش المجتمع بهالشكل :( :(

السلام عليكم ورحمه الله وبركاته












اول شي انا حامل ولله الحمد اول بيبي واكيد سعيده

ومن داخلي بنت ولد نعمه الحمدالله بس اميل للولد لسبب

اهوه عشان ارتاح نفسيا زوجي مايقول حملي او يتشفق للولد لا اهوه ولا اهله ولا الناس تزعجني

وزوجي قبل الحمل احس ميوله للولد اكثر ومن هالفتره تأثرت وميولي للولد اكثر بسبب زوجي احس يتمنى ولد وبلسانه الولد ولد

واختي ماشاءالله عندها 3 صبيان يقول يلاا يارب نصير مثلهم وكلامه يحسسني ان يتمنى الولد وزرع بقلبي تمني الولد الله يسامحه

لكن من حملت تغير هالوضع كله يقول كلهم نعمه كلهم نعمه

لكن شالفايده عقب مازرعت بقلبي رغبه الولد !!! حرام مرات اقول ليش هالتفكير وخصوصا بكر لازم افرح بكل الحالات بس شسوي هذا احساسي موبيدي


وجت حزه تحليل عشان يشوف بنت ولا ولد










وقال دكتور انا اشوفها بنيه -

قال زعلتي ؟ قلتله لييييش ازعل !!!

شوفو تفكير الدكتور !! واحسه متوتر لما بلغني ان بطني بنت

وطلعت طبعا وبشرت زوجي وقال الحمدالله وفرح من داخله الله اعلم لكن من برا واضح ان فرح



واليوم بشرنا اهلي وامي قالت حلو البنت الاولى


بس اخوي قال لااا بس الرجال يتمنى اول مولود له الولد !!!


تضاااااايقت من كلمته مافي داعي ابدا شنو المقصد من الكلام موعاجبك اللي بطني !!!

خلاص فيني بنت ليش تحسسني ان الولد افضل وانا فيني بنت

حيل تضايقت وزعلت من كلمته قلت شكلها لاحقتني نظره المجتمع لسالفه البنت والولد

كتبت هالكلام عشان افضفض بس

والحمدالله على كل حال