مضايقه وحزينه 😢

السلام عليكم ورحمة الله وبركاته
كل عام وانتم بخير
وعيد سعيد


حاسه بخنقه وزعل ومضايقه
دحين انا عمري ٣٣وكل بنات العيله الصغار ماشاء الله متزوجات ربي يسعدهم ويهنيهم
وانا اكبر وحده من البنات مااتزوجت ولله الحمد
اليوم التاني كان عندنا عزيمه وكلهم موجودات سرت انا قاعده لحالي في الاخير جلست جمب امي لانو محد معايا كل مااروح اجلس مع وحده تروح تسوي نفسها مشغوله مع بزرتها ولاتكلم اختها ونضراتهم ليا مرره تقهر كاني ححسدهم ولا اسحرهم ولا اخطف جيزانهم
وكل مايسلمو عليا يقولولي هوا انتي مااتزوجتي للان يالله احسن كلو هم ومشاكل ايش تبي بالزواج


والمشكله امي تقولي روحي اقعد عند فلانه امكن تخطبك سلمي على علانه امكن تخطبك
وانامقهوره بس مااقدر اقول لامي لا
والله والله والله رجعت البيت وانا مضايقه وقلبي مليان وجاني قهر
وقولت لامي اي عزيمه روحي لحالك ماني رايحه




سوالي
لي البنت ايلي مااتزوجت كدا يعاملوها والله حرام عندها مشاعر واحاسيس
دا الامر مو بيدها ربنا مااراد اني اتزوج مااستاهل دي المعامله
بس لاني مقهوره كتبت كل ايلي في نفسي
وسامحوني ازا طولت عليكم