ويمكن المسميات تختلف مابين دول الخليج والدول العربيه
هذى الطريقه سهله وبسيطه وسريعه وماتاخذ وقت ممكن تسويها باي وقت
انا ماخذت معاي وقت لاني اسلق الدجاج وااقطعه قطع صغيره وافرزنه باكياس
مقاديرها :
نص دجاجه ... مسلوقه بالبهارات الصحيحه( قرفه.. هيل.. ورق الغار..قرنفل..وفلفل اسود) .. ومقطعه قطع صغيره جدا
6 او 7 كاسات ماء سلق الدجاجه
نص كاس رز مغسول ومنقوع
3 م شوفان
كزبره ... وملح وفلفل اسود ... و3 م معجون طماط
الطريقه :
نضع الماء على النار حتى يغلي ... وبعدها نضيف عليه الشوفان والرز والمعجون والدجاج المقطع ...
ونضيف الملح والفلفل الاسود والقليل من البهارات والقليل من الكمون
ونوطي على النار حتى تلين كل المكونات مع بعض .. ونحرك فيها كل اشوي (ممكن تزيدي من مقدار الماء اذا شفتي الرز ما استوى او ما صار لين )
بالاخر نضيف الكزبره المفرومه ونحاول ان نفرم الرز مع الدجاج بالملعقه حتى تختفي حبة الرز اثناء التحريك ....ويصير معانا الخليط ثقيل نوعا ما
نقدمها بالصحن وندهنها بقليل من الزيت ... وممكن نعمل لها حشوة البصل
وممكن ناكلها بدون الحشو