مضطره اصبغ الشكوى لله تعالوا كلكم واستفيدوا

السلام عليكم

كيفكم بنات وكيف استعداداتكم للاجازة >>> يالله يمديكم تدهرون مابقى غير اسبوعين وتبدا الخرشه والمناسبات والطلعات الله يعين بس

وبهالمناسبه انا قررت اصبغ شعري

انا من شهرين او 3 شهور تقريبا اعتنيت بشعري لليوم وماسكات وزيوت طبعا هالشي كله سويته كعلاج بعد الصبغه الاولى اللي دمرت شعري
بتقولون وش حادك تصبغين مرة ثانيه اجل
بقولكم ان الصبغه نازله وانا ودي اصبغ لون الصبغه السابق واخلي لون شعري واحد الجذور اللي نازله تقريبا 5 سم مع لون الصبغه الاولى
لون شعري تقريبا بني او كستنائي وصبغتي الاولى فاتحه رمادي فاتح
وماودي اصبغ الجذور عشان ماضطر كل مره اني اصبغ
اتمنى فهمتوني
الحين انا محتاره
ودي بصبغه تغطي لون الصبغه الاولى وماتضر شعري بدرجه كبيره خصوصا انه شعري مصبوغ سابقا ومتحسفه بعنايتي فيه واهتمامي بس الشكوى لله شكله كذا طالع يفشل

المطلوب منكم :: ابغى صبغه ماتضر شعري كثير ,وبدون امونيا ,, وماتنشف الشعر
ووش رايكم بغارنييه اللي بزيت الزيتون
واذا تعرفون اشياء ثانيه لاتقصرون معي
تكفون ارفعوا الموضوع ولو بدعوه

سبحان الله وبحمده سبحان الله العظيم