مضغوووطه وتعبانه نفسياً

السلام عليكم ورحمة الله وبركاته،،
بدخل بسالفتي ع طووول
انا متزوجه من عشر سنوات تقريباً عندي طفلين وحامل الحمدلله مشكلتي اللي مكدررره حياتي زوجي مدري كيف اقولكم صلاته ف البيت ومش ع وقتها احترام مافيه لا لي ولا لعيالي اذا رايق هه يجي منه بس بالغااالب قليل احترامه لنا يعني يكلمنا مرات من طرف خشمه ع طووول بالاستراحه الحمدلله مفتكه منه طيب ومادياً م يقصر بس مايهتم بنا صح يودينا مشاويرنا بس اهتمام عدم سواليف بيننا مافيه نجلس مع بعض طول وقته ع جواله لو اليوم كله بس يمل منه شوي ويسولف نااااادر ويرجع ع جواله طيب انا مابغاه يسولف معي خلاص قلعته بس ابغى احترام تقدير لصبري عليه نطلع مكان يتنفخ ع عيالي لاتفه سبب خاصه ع ولدي لاتمسكون لاتشيلون حمدالله والشكر م اتحمس اطلع معه لحديقه يسد النفس ع طووول عفته وربي كارهته من قلبي بس مضطره ابلع موس وانطم عشان عيالي بضحي بحياتي كلها عشانهم حالياً تعبانه من الوحم مرررره صح م يكلف ع الاكل ولا يطلب كثير بس مو داري عني حيه ميته بس ع باله اكل واشرب والبس احاول اعوض عيالي هو زين بس مدري ف لحظه يقلب ويرجع تمام يضيق خاطري مرره ادعي لعيالي بس هو مالي نفس ادعي له كارهته والله لاتقولون وحام لا من قبل وانا كارهته لتراكمات كثييييره ف قلبي عليه وهو ولا عليه قلت مره مابسامحك قال بسلامتك عمرك م سامحتي هو م يمر شهر الا ويسافر منطقه ثانيه بحجج شغل طيب ما يدق ما يتطمن الا نادر جدا اسافر لاهلي يمر اسبوع اسبوعين م يتصل م يسأل ولا يرسل مطنش اخر مره بيسافر قلت متى ترجع قال السبت ما وراي شي بغيت اقوله ايش اللي م وراك شيء ع باله عزابي م عنده بيت وعيال بس قلت انطم لان الكلام معه ضااايع سبق كشفته يخونني وحلف بالطلاق لو افتح جوالاته وقبل فتره تخاصمنا ورفعت صوتي حلف بالطلاق لو ارفعه مره ثانيه قمت لميت كم لبسه ورحت قلت ودني المطار وبكيت من كل قلبي محروقه مره بسببه حسبي الله عليه يوم شافني انهرت قام يضمني ويعتذر لي ورجع شنطتي بس اش عقبه قلبي تكسر من ناحيته ودي باحترام اهتمام بس مالقيتها منه كم مره قلت له بس عمك اصمخ يغلط م يعتذر فهمته بس مافي امل احط الغدا يقعد ع جوالاته يختمها ثم يقوم م يقول تعبت بقوم اتسمم لا يقوم خلاص قربنا نخلص مرات لازم اعيد السؤال عشان يجاوبني عيالي احيان ينادونه بابا بابا مطنش بالكود يلتفت لهم كل ذا عشان جوال انا احس انه لازال يلعب بذيله من ورايه بس وليت امره لربي هو قادر عليه كثير جرحني واهاني بس ورب البيت مو قاعده لسواد عيونه قاعده عشان عيالي لانه حالف من قبل ان يقطع قلبي عليهم يعني يحرمني منهم اخخخخ م اتحمس اقوله نروح مطعم نروح كوفي عارفه اسلوبه الزفت شوي رايق وشوي زفت وان طلعنا ع جوالاته ومطنشنا الله يفرجها من عنده الليله ع العشاء ارسلت ولدي يجيب جبنة بقرات قام يوصف له ابوه جبنه ويأشر بيده ع ولدي وعلي وع بنتي يعني احنا بقر بس طنشته ولا وربي ان ودي احرقه بيدي يعني تعبانه من الوحم فيه ضيقه ربي يعلم فيها ويقوم يتسمج يرفع الضغط الله يعينني ع م بلاني احس مرات يفرد عضلاته ع ولدي ويكلمه بقلة ادب قبل كم يوم كنا بمحل وولدي جلس ع الكرسي جا بيكلم العامل قال لولدي قم من هنا لا افقع وجهك جا عندي ولدي قال شفتي اش قال وتوه مسكين يشكي لي اخخخخخ ومرات قدام اهله يتعمد يهين ولدي ويخاصمه ع اشياء وربي تافهه بس كذا حسبي الله عليه الله ينصرنا عليه وفوق ذا كله يطلبني للنوم قلت مالي نفس غصبن عني مو طايقته قلت تحمل فتره شسوي اغصب نفسي ع الشيء ارجع بعدها خلاص ينطق ويتحمل ويقدر وضعي وحالتي لو غيره وعنده ذرة احساس كان شافني شاحبه متضايقه استحى ع وجهه شوي بس عديم احساس ومشاعر واحترام تعبت والله اظهر للناس اني فرحانه مبسوطه بس الخافي اعظم صرت اهني اللي ماتو اي والله حظهم ماتو وارتاحو من الدنيا دعيت ع نفسي وعيالي بالموت سوا كدر علينا وقت اللي نافخ يحط نفسيته علينا الله حسيبه والله ماسامحه واخذ حقي وحق عيالي ع الصراط ان شاء الله هذا غيض من فيض ادعولي الله يفرج همي وكربي ويصلح لي عيالي ويقطع عني الوحم واتخارج ع خير...