المهم اني دققت بقدر الامكان وخليته يكتب اللي قدرت عليه...ووقع مع زوجي العقد وكتب انه خلال 30 يوم بيكون متركب كامل...حتى الاجهزة هو بيجيها...
دق بعد عشرة ايام وقال لازم نستلم المبلغ كامل عشان نقدر نسلم المطبخ بموعده...
تأخر عن موعده اسبوعين ثم حط له كم قطعة وبدت المماطلات الكريهة...
اللي حصل اننا اليوم كملنا شهرين وثلاثة اسابيع...يعني باقي اسبوع ونكمل ثلاثة شهور ..وهم كل يوم يجيبون قطعة ويغيبون .... وبالملاحق والمكالمات يكذبون على زوجي ويقولون العمال جايينك في الطريق ويقعد زوجي ينتظره وهو كذاب...
وفيه اشياء اتفقنا علها بدون كتابة وما سواها ويحلف ويدعي علة بنته وولده بالموت والمرض (اعوذ بالله) ان كنا طلبناها...والحين زوجي ندمان على استعجاله وسماعه كلام الرجال وانه ما كتب كل شي بالعقد لاننا دافعين حق كلشش...
هذا واخو زوجي مدخل مطبخه عندهم ولايزالون متأملين يروح يدفع لهم الباقي ..يعني لو ما عندهم لنا مطبخ ثاني وش بيسوون؟؟؟وكلما كلمهم زوجي قالوا طيب وين اخوك خليه يجي يستلم مطبخه؟؟ يقول انتم كلوا مطبخي اللي اعطيتكم مبلغه كامل وبعدين اخوي يتفاهم معكم...
القطع اللي حطوها شغلهم فيها تمام مابي اظلمهم ...وجابوا اللي اخترناه وكتبوه في العقد... ما عدا المجلى كنت طالبته ثلاثة احواض وجابوا حوضين من غير ما يواعدون زوجي ...فتح لهم الحارس وركبوه ونحاشوا...ولما راح زوجي وشافه كلمهم قالوا معليش ترضى فيه ونعوضك شي ثاني؟؟؟ طبعا رفضنا واصرنا على تغييره على طلبنا...قعدوا اسبوع وجوا شالوه وللحين ما غيروه...
واخيرا يا اخواتي يعلم الله ما كتبت الموضوع حسد ولا قطع ارزاق لكني لما كنت بافصل عندهم بحثت في النت لعل وعسى الاقي تجارب للبنات قبل تطيح الفاس في الراس وما لقيت...ومن واجبنا ننصح بعض خاصة اننا ملعوب علينا ...ندفع المبالغ كاملة وما معنا اي قوة تسندنا ..حتى الشرطة لو تروحين لهم يقضبونك الباب...
اذا بينا عيوبهم وشافونا شعب مفتح عينه ومتناصح ويفرق بين المحل الثقة والمحل النصاب بيحرصون على اراضاءنا...لكن اذا سكتنا للنصابين معناتها ماله داعي المحلات الصادقة تتعب نفسها معنا!!
دعواتكم بشفائي وشفار ابني وارفعوا الموضوع عشان غيركم يستفيد..
, وهذي صورة كرتهم قصيتها من العقد...
.