مالكم بطويله انا ينطبق على المثل الشعبي الي يقول عنزاوطاحت بعبس او عنز وطاحت بمريس
عرفت انزل صور وكل شوي رازه خشتي في المنتدى اوري الناس طبخي
المهم غدانا مطازيز او مايسمونه اهل الرياض وسدير قبوطات او قبابيط
معلومه قبل لا اعطيكم المقادير نجاح المطازيز يرجع النوعية الدقيق كل ماكان ناعم كان احسن طبعااجود انواع الدقيق القصيمي اذا ماتوفر عندك ذالنوعيه ممكن تخلطين معه دقيق ابيض الغرض منه انه يمسك العجين وقت الطبخ ولا ينهرس وكمية الماء ايضا ترجع النوعية الدقيق فيه دقيق يشرب ماء وفيه دقيق مايتحمل الماء وفيه نوعيه تتحمل طبخ وفيه نوعيه ماتتحمل الطبخ
كل الكلام هذا عشان لاحد يقول كم مقدار الدقيق والماء
المقادير:
دقيق بر ماء للعجن نعجنها حتى تتكون عندي عجينه قاسيه وكل 10 دقايق ارجعي وعجنيها مرتين تقريبا
لحم اي نوع غنم او بقر او حاشي انا استعملت حاشي
مقدار من الخضار
4الى 6حبات كوسه 3او4جزر
2بذنجان متوسط وممكن تحطين وحده
فاصوليا وقرع وبطاطس اذا عندك احد يحبه وممكن تستغنين عنه
فلفل بارد وحار
صلصة طماط
كوب طماط مطحون
بصله مقطعه صغار مع ثوم
تشكيله من البهارات(بزار+كمون +فلفل اسود+ملح+كركم )ليمون اسود ودارسين وهيل ومسمار
الطريقه:
جيبي القدر حطي البصل والثوم والحم والمسمار والهيل والقرفه صبي عليها الماء وحطيها فوق النار انتبهي تراها بدون حمس انا طريقتي كذا ويطلع طعمه خيال
في الوقت هذا جهزي المطازيز شكليها كور صغير وهي انك تاخذي قطعه من العجين وتضغطين عليها وتطلع معك كور صغيره
بعد نصف ساعه اضيفي الخضار والطماط المطحون والصلصه والبهارات واليمون الاسود والملح
وبدي بضغط على العجين بواسط وضع الكوره على بطن اليد والغط عليها ببطن اليد الاخرى
ونتي تحطين المطازيز في القدر حطي كل وحده في اتجاه عشان مايتلاصقن مع بعض بعدين ارجعي وحطي في المكان الي بديتي فيه اول مره انتبهي ونتي تحطين المطازيز لازم تكون النار عاليه شوي اذا خلصتي قصري عليها النار
وخليها من ساعه ونصف الى الساعتين
طبعا الماء والوقت حسب الدقيق الي عندك بس اهم شي لا يكون الماء كثير وان شفتي الماء كثير اغرفي منه قبل لايستوي
ان شاء الله تكون الاكله اعجبتكم ولاانسى هذي صورت المطازيز
عليكم بالعافيه
يااسعدناا بطبخك لا تحرمينااا ,,:)
حبوبه لو صغرتي الصوره كان أفضل ,,,:26: