ماشاء الله تبارك الله ................. مطبخك مره حلو
انا فصلت مطبخي من بنامكو اللي بالخبر وكلفني 18900ريال من دون الاكسسوارات

من وين فصلتي المطبخ ؟
والله يهنيك بمطبخك................

السلام عليكم
أشكرك أخت غدو على هذا الموضوع وأنا من زمان وأنا أسأل عن المطابخ لكن مالقيت رد مناسب بيتي جديد ومساحة مطبخي خمسة في خمسة ونصف واحترت في تفصيل المطبخ
صراحة في حائل الأسعار عندنا غيييير أغلى من كل المناطق الثانية في كل شي
تخيلوووا سالنا عن مغاسل الرخام اسم المحل روزايت بالرياض سعر المتر ب1700ودلنا على وكيلهم
في حائل ولما سألنا بحائل وجدنا سعر المتر 2350 شوفوا الفرق
والمطابخ نفس الشي الألمنيوم ماينزل عن 1100المتر
ماعليه غثيتكم لكن والله تعبت من تدوير المطابخ ودي أروح للقصيم يمكن أرخص من حائل أرجوو منكم المساعدة وجزااكم الله خيرااا

هلا.. واااااااااااااو وش هالفرق مستحيل كل هذا سعر الشحن أنا أعرف ناس كثير في الشمال يأثثون البيت كامل من الرياض وجده ويشحنونه يجي أحلى وأرخص وأتوقع في القصيم بتلقين أشياء حلوه وسعرها مناسب والسعر ما أتوقع يتجاوز 750 للمتر
والله يوفقك

ممكن تنزلوا صور مطابخكم للفائدة

موضوع مفيد

شوفي اختي بقولك على تجربتي لان لي خبره من كثر مالفيت جده علشان اختار مطبخي في بيتي الجديد فيه مطابخ( خشب) منظرها فخم وحلو بس انها عرضه للصراصير وماتحمل كثير المويه تخربها واذا فصلتيها ماتكون للاستخدام الكثير لانها تحتاج عنايه وفيه( المنيوم) وهذي عمليه وتحمل كثير لك وللزمن وماتجي فيها الصراصير يعني انظف واناجربت الاثنين وفيه( خشبنيوم )وهذايكون الكباين من المنيوم والابواب من خشب ويقولون عليه انه زين لانه يجمع بين الشكل الفخامه وفي نفس الوقت يتحمل لانه كله المنيوم ماعدا الابواب ...صراحه ماجربته


وبقولكم الاخطاء اللي سويته علشان تستفيدون<<<<<<<<< اول شي مطابخ الخشب روعه وتعطيك فخامه اذا فصلتيها عند المحلات المعروفه واكيد بتكون غاليه لانهم بيعطونك نتيجه بترضيك مثل مطابخ (المنى الالمانيه )ومطابخ (الاباء الايطاليه) بتنهبلين من العرض اللي عندهم ولاتسوون زيي حسيت انهم نصابين ونصحوني ناس اني افصل نفس الموديلات بس عند نجار شاطر يضبطها لك وياليتني ماطعتهم فصلته عند نجار فلبيني وكلفني 20الف ماضبط فيه الاالهيكل والموديل اما البويات والصنفره والقزاز والمساكات فأي كلام خاصة البويه والمظهر الخارجي للدولاب قاهرني تقشر والابواب طاحت وجات فيه صراصير مع ان بيتي جديد
فنصيحه لا تفصلون الا عند محلات معروفه........اما الالمنيوم فصلت مطبخي التحضيري كلفني 6000والمتر650 قوي ويتحمل وعلى شكل الخشب
اما السطح فانا أفضل الصناعي حتى لوبهت لونه تكلمين المحل اللي صلحه لك ويصقلونه ويلمعونه ويرجع كانه جديد اما الرخام الطبيعي ماهو عملي ابدا ومااحبه والجرانيت ماجربته

لازم تعرفين ان كل وحده تصمم مطبخها على الشكل اللي يناسبها ويناسب اغراض المطبخ عندها ويريحها في الحركه من ناحية الادراج وعددها والكباين وارتفاعها والسراميك وتناسق الالوان ....

وانشاء الله اني افدتكم