ماشاء الله نوتا حلو مطبخك مع انه صغير مثل مطبخي

انا فصلت مطبخ المنيوم مؤقت برضه بس سادة خشبي مش القطاع اللي مقسم زي الشيش وكان تكلفة المتر ب400 ريال فقط ورخام طبيعي وانا اشوف الجرانيت افضل شيء لأن الرخام الصناعي الكثير يشتكي منه وكمان عند المجلى يسود وما يتحمل حرارة
ونفسي برضه اعرف اراء الأخوات عن مطابخ ايكيا لأنها تعجبني كثير ونفسي اعمل مطبخي الدائم بعد فترة منهم بس ما ابغى اتوررط اذا كانت غير جيدة من تجاربكم

نوتا ماشاء الله لاقوة الا بالله مطبخك رووووعة ماشاء الله من جد يجنن كله عجبني وخاصة السقف رووعة الله يهنيك فيه ..

omamoory حبيبتي وين لقيتي المتر ب400؟؟؟

لأني والله ادور مطبخ مؤقت سعره معقول لأني في بيت ايجار والأسعار مرررررة غالية حرااام والله في شقة ايجار....

ما شالله تبارك الله حلو مطبخك وأكثر شي عجبني المجلى في الزاويه أحس دايم ازوايا مساحه مهدره
بس ما تحسين أن مشخلة المواعين شوي صغيره؟؟
الله يتمم لك يارب بس ما قلتيلنا وشو الشي اللي تمنيتي أنك سويتيه في مطبخك؟
نبي مطابخ باقي البنات وينكم؟

السلام عليكم اولا اختى غدو يعطيج العافيه على الموضوع المهم اللى فعلا

يهمنا كلنا ومثل ما قلتى نفنى عمرنا هنى ( المطبخ )

الاخت نوتا مطبخج وايد حلو ما شاءالله تبارك الله يارب تتهنون فيه وتبدعين فيه

بالاكلات السنعه لابو العيال

وانا بصراحه حست فى ها المطابخ وكان لى فيها باع طويل

سويت لى مطبخين داخلى وخارجى

الداخلى الحمدلله ما تلعوزت فيه رحت شركه المانيه ايطاليه عالميه اعتقد اسمها النو مافى تلاعب

ناس دوغرى بس بتاكد لكم من الاسم من بو العيال

اخترت من عندهم البانترى والفرن والثلاجه البيلت ان الكوفى ميشين الطباخه الكهربائيه

والطباخه هذى لها ميزه حلوه وايد وايد للى عنده عيال فيهم شقاوه مثل عيالى

حرارتها اربعه اضعاف الطباخه العاديه بو الغاز تحطين الجدر يكون نار ضو ولين حطيتى يدج

يكون بارد ولا كانه مولع بصراحه التقنيه هذى وايد عجبتنى لانها سيفتى وامان للعيال

جو ركبو وباقى لهم شوى التوب بس وبيخلصون

اما المطبخ الخارجى فهذى سالفته سالفه بصراحه

الله يسلمكم كنت فى الخارج للعلاج وزوجى حب يفاجئى وراح اتفق مع مطابخ عندنا بس سعرهم جدا

غالى وشكله صدق حلو وهافى ديوتى يوم جاب لى التخطيط زعلت لانه غالى بس اقنعنى بجوده المطبخ

والشركه سعوديه يمكن الاخوات فى السعوديه يعرفونها

رامكو على ما اعتقد واختار من عندهم مطبخ المنيوم دبل شيت من الداخل والخارج

ولونه خشبى حلو اللى يشوفه يقول خشب ميه فى ميه وطبعا كل شى عليهم الغاز والسينغ والثلاجه

والاكسسوارات كلها نوعيه ممتازه

المهم عقب ما رجعت واقتنعت وسويت شويه تعديلات على التصميم ودفعنا تقريبا 80% من سعره

ورحت اخترت البلاط والارضيه على لون المطبخ تخيلوووووووووووو

تخيلو الجريمه ويا حسافه الوكيل تلاعب فى الشركه وخلى اصحاب الشركه فى مشكله

وطبعا نحن دفعنا الثمن اتلغى كل شى والشركه تسكرت صاحب المحل ولد حلال رجع لنا فلوسنا

وباقى لنا نص المبلغ 34 الف لين الحين ما استلمنا منه ان شاءالله نستلمهم قريب

المهم طبعا رجعنا للحوسه مره ثانيه ودرنا فى الامارات وحصلنا عندهم مطابخ حلوه ورخيصه

بس لما حسبناها لقينا نفصل هنى احسن لانه سبحان الله المقاسات لو اختلفت شوى مشكله

والحمدلله رحنا المطابخ الامريكيه واخترت الخشب السوليد لون البنى الخشبى

والتوب طبعا جرانيت محتاره فى لونه لانه الارضيه فاتحه جدا ابيض معتق مايل للبيج

والبورسلان لون القرميدى الفاتح مع البيج مربعات 10 سم ×10 سم ومساحة المطبخ 5×6

وان شاءالله قريب بيخلصون من المطبخ سؤالى لكم عزيزاتى لون الجرانيت المناسب شنو

لانى لازم اختار الحين انا فكرت فى البنى المحمر وزوجى يشوف الاسود حلو

شو رايكم ؟؟

حطيت طباختين فى المطبخ واحد بيلت ان مع فرن كهربائى والثانى غاز عادى من شركه المناعى شكله

وايد حلو انسيابى طبعا عملت حساب الرمضان واذا فيه عزومه الواحد ما يحتاس فى الطبيخ

وينطر تخلص اكله ويبيتدى فى الثانيه يعنى ممكن اسوى اكثر من اكله فى وقت واحد

ونصيحتى لكم كل وحده تفصل المطبخ على حسب هواها مثلا اذا كانت غاويه طبيخ طبعا لازم تعصر

مخها عدل وتستغل كل نقطه وتستفيد من كل شى وترتب الادراج والطباخات على حسب الاستعمال

واذا الوحده بتحط خشب فى مطبخها لازم ترفعه فوق وتحط من تحت طبقه المونيوم للحمايه

واذا كان المطبخ كبير يفضل تسون جزيره فى النص وتستغلونها كطاوله طعام

وتحطون فيها بعد مغسله صغيره على الجنب لسهوله الاستعمال ويكون مكان نظيف دايما لغسيل

الخضره واللحوم وانا سويت ها الفكره لانها بتكون عمليه وايد ويستحسن بعد يكون الاستور منه وفيه

للثلاجات الاضافيه والتموين بدل ما تسون استور خارجى يعنى كل شى يكون تحت يدكم

هذى من بعض تجاربى ان شاءالله اكون افدتكم فى شى ودعواتكم لى خلاص تعبنا نبى نرتااااااح:09: :

09:

وعقبال الجميييييييييييييييييع:) :) :2thmup:

اختكم سما

حبيت اشارككم بمطبخي كلفني حوالي 7000

دي صوره عامه للمطبخ
https://d2s63a22uzwg40.cloudfront.net/PE/2007/08/02/10/August2007lkjhef2j4fblj3w81762420JPG-1.jpg

ودي بقية الصور لكل صف طبعا صورت بالفلاش عشان كدا المطبخ منور ولا على الطبيعه يبان مررررررررررررررررررررررررررره هااااااااااادي لأن انواره خافته
https://d2s63a22uzwg40.cloudfront.net/PE/2007/08/02/10/August2007lkjhef2j4fblj3w66116773JPG-1.jpg

https://d2s63a22uzwg40.cloudfront.net/PE/2007/08/02/10/August2007lkjhef2j4fblj3w46749223JPG-1.jpg
هدا الجدار سبته فاضي على يمين المطبخ عشان لايسوي زحمه
https://d2s63a22uzwg40.cloudfront.net/PE/2007/08/02/10/August2007lkjhef2j4fblj3w70762556JPG-1.jpg

طبعا السقف سويت البرواز خشب و جبس اللمبات عل بيج
https://d2s63a22uzwg40.cloudfront.net/PE/2007/08/02/10/August2007lkjhef2j4fblj3w24755404JPG-1.jpg