اهم شيء العقد يكتب فيه كل الشروط وتأخذين وصل باستلام المبلغ ويوضح في العقد موعد التسليم والغرامات ان اخل الطرف الثاني بأي شرط

جيتي على الجرح
إحنا فصلنا في محل اسمه فن المطابخ الحديثة في شارع السبعين
اتفقنا معاه على اساس كل شيء عليهم واحنا بس علينا كهرباء وسباكة وعلى اساس 20 يوم ويتركب قبل رمضان باسبوع.
دفعنا 4000 عربون والباقي بعد 18يوم وعلى اساس يتركب على طول
والله العظيم وعلى ما اقول شهيد سلمنا المبلغ كامل السبت وجوا ركبوا الدواليب الاثنين. والله التركيب اي كلام والدواليب خفيفة والاضاءات اللي طلبتها ما ركبوها. وطلبت رفوف ما جابوها قالوا بعدين نجيبها. غير التركيب للدواليب مو موزون. وفيه مسافات بين الجدار والدولاب شكل المقاسات مو مزبوطة.
كلمناهم وقالوا لمن نجيب الرفوف نزبطهم . وبعد يمكن 3 ايام جابوا الرخامة والله مو زابطينها مائله من جهة وجهة لا والمجلى يجمع مويه ما تتصرف الموية بسرعة لازم بيدي اصرفها مع انا نبهناهم على هذي النقطة لكن ما اهتموا. واليوم جابوا الرفوف حطوها خشب ولونها مختلف عن لون
الدواليب الألمنيوم حتى الرفوف مو متوازنة تطلع وتنزل. والي الان ما ركبوا الأجهزة. في البداية يقولوا علينا لي الغاز والقسام حقه والحين يقولوا عليكم بعد ما استلموا الفلوس. الله لا يسامحهم والله مطبخنا صغير مره ما يجي 3 في 3 أخذوا علينا 11 الف . المطبخ لوحده من غير اجهزة ب
6100 والله ما يستاهل. حسبوا لنا الرخيص بسعر الغالي. حسبي الله عليهم ونعم الوكيل. الي
الان إحنا متبهذلين بلا مطبخ.

نصيحة خلوا جزء من المبلغ لو ما عجبكم الشغل تخصمونها عليهم
والله تتحسفي لمن تدفعي مبلغ وقدره وما يجيك شيء كويس مقابل المبلغ. حتكرهي المطبخ من كثر ما يعلون في التركيب.
والله انقهر انه ماعاد فيه أمانة في بلدنا واحنا بلد الاسلام.

قلبي معاك انصبو عليكم نصبه خلي زوجك يتصل على المصنع نفسه ويرجعون المطبخ ويشوف العقد اويشتكي اكلونا هانصابين محدسلم منهم وانا من رايي ان اي وحده تجي تفصل تسال في المنتديات اكيد خواتها من مشرفات او عضوات ما راح يبخلو عليها باي شي يفيدها ويااختي الي دفعتي هما كذا عشان يضمنون عدم النراجع اهم شي يربطهم زوجك بعقد اذا صار اي شي يشتكي عليهم معليش طولت ماهو مني من القهوه

اختي sharpy الله حسيبهم وش ذولي مايخافون ربهم
انا قبل لأ فصل عندهم استخرت ربي وتوكلت على الله وان شاءالله ربي يكتب لي اللٌي فيه خيررر
والله اني خفت طَِّـٍّــيٌَبّْ وش اسوي هو يقول لازم المبلغ كامل علشان يطلع من المصنع وانتي وين المحل وشارع السبعين هذا وينه
الله يجزاك كل خير