سلمكم الله ياحلوات انا ربة بيت حديثه مالي ست شهور متزوجه ومن شهر نقلنا لشقه جديده ماشاء الله المطبخ واااسع 5 * 5 وانا ناويه اشتري مطبخ جاهز ,, لكن فيه عدة اشياء مقيدتني في مواقع اغراض المطبخ وماشاء الله عليكم اكثركم راعيات خبره وحبيت استفيد منكم
اول شي مقيدني في موقع الغساله الاتوماتيك التمديدات حقة الماء ,, شوفوها عاليسار في الصوره تحت ,,,
ثانيا مقيدني في موقع الفرن الهوايه الي فوقه عشان تسحب ريحة الطبخ وكمان قريب جداً من الشباك
هذي صوره لتوزيع المطبخ مبدئياً طبعا الصوره هذي وانا للحين مااشتريت المطبخ وشوفة عينكم الفرن تحت الهوايه والغساله يسار المجلى عشان التمديدات ( والي عندها خبر اذا اقدر امد التمديدات بعيد شوي او لا وكمان اللي حق التصريف العامل ماركبه في الجدار خلاه عالأرض يقول مايجي واضطريت افتح فتحة التصريف حقة المطبخ واخلي الغساله تصرف الماء فيها ) << وهذا شي مزعج لي الي عندها خبر اذا اقدر اركب تصريف الغساله في قسام مع تصريف المجلى والا مايصير ( زوجي يقول مايصير وانا اقول يصير )
والثلاجه حاليا يحكمها الفيش بس بسوي لها توصيلة سلك للموقع المقترح في الصوره الثانيه
شوفو الصوره واهم شي عيون الفرن هههههههه كنه متفاجئ
والصوره الثانيه عباره عن خطتي لترتيب المطبخ بعد مااشتري الدواليب والطاوله
سؤالي : هل ترتيبي مناسب وعملي ؟؟
والفراغ الي بين الدواليب والفرن ناويه احط فيه السياج الي يجي من ايكيا يتعلق فيه منصه للبهارات والزيت والملح واغراض الطبخ الي المفروض تكون قريبه من الفرن وش رايكم ؟؟
والفراغ الي بين الثلاجه والدواليب وش أحط فيه ؟
وكمان دواليب المطبخ الي اخترها جايه على جهه وحده طبعا وشكلها زي الصوره
,,, والدرجين الي فوق بعض قال بامكانكم تختارين لهم مكان غير ,, وانا حبيت الرخامه تكون مفتوحه من جهه وحده افضل وأوسع وراح اخليها مفتوحه من جهة الفرن وش رايكم ؟؟ وكمان الدرجين الي بستغني عنهم وين احطهم ؟؟ فكرت اخليهم في نفس الموضع بس ارفعهم فوق عن الرخامه وتصير الرخامه مفتوحه والأدراج طالعين فوق عن مستوى باقي الدواليب زي كذا ( بس طبعا فالصوره طلع الدرج الي فوق مقصوص هو راح يكون كامل زي ماهو بالاساس )
وسلامتكم ياحلوات ياقمورات