كيفكم ... يارب تكونوا بصحة وسعادة
سبق ونزلت موضوع كنت استشيركم فيه عن المطابخ وعن خبراتكم وبصراحة ما قصرتوا افدتوني كثير الله يسعدكم ويحقق امانيكم واليوم حابه كمان استشيركم لأني ما استغني عن مشورتكم ..
قبل يومين رحت للمطابخ اللي على طريق الأمير سلمان وعجبتني الموديلات والأفكار اللي عندهم وحابه بعون الله افصل مطبخ فلة العمر عندهم وخاصة عند محل ( السعودية لمطابخ الالمنيوم ) فيها واحد سعودي شرح لنا بالتفصيل الممل عن الأصلي والتقليد وكيف نفرق بينها .. لكن ما اكذب عليكم رغم ارتياحي لكلامه إلا أنه يضل بائع ويبي يبيع سلعته عشان كذا قلت لا غنى عن مشورتكم ...
مين منكم جربت تفصل عندهم ( السعودية للمطابخ ) وفروعهم ( الركن السعودي ـ لمعة الجوهرة ـ سواحل المملكة ) ولهم فروع ايضاً بخميس مشيط ؟ كيف تعاملهم ، ذمتهم ، مواعيدهم وكل شيء عنهم ؟
كمان حبيت اسال عن مفصلات الهيدروليك الإيطالية واللي ما تخلي الدولاب يضرب بقوة عند تسكيره نصحنا بها البائع هل هي عمليه وما تخرب مع الوقت وإلا الأفضل المفصلات الإيطالية العادية؟
وأيش رايكم باحواض المجلى الأفضل الاستيل أو الرخام وليييييييييش ؟
ومن خبرتكم هل الرخام الصناعي يتخدش صحيح ؟
كمان ايش تنصحوني اشتري الفرن الشواية وعيون الغاز ومروحة الشفط وبقية الاكسسوارت من عندهم أو الأفضل من برى ؟
انا حابه افصل ( الصاج ) هل هو عملي وما يخرب ـ ولو طال الزمن ـ لأني بعون الله ماني ناوية اغيره طول ما أنا عايشه !!!!
كمان أنا عندي بالمطبخ مستودع ( مخزن صغير ) قال لنا البائع إني ممكن اعمل لكم باب أسمه ( الباب الملقوف ) من ضمن دواليب المطبخ يغطي على باب المخزن ولا كأنه موجود وكأنه من ضمن الدواليب ... تنصحوني اعمله أو الأفضل أخلي باب المخزن مكشوف عادي ؟
وكمان حابه افصل المطبخ بلون الخشب البني المحروووووووووووق الغامق جداً وفيه أشرطة المنيوم فضي جايه بالعرض ... تعتقدون هاللون يمشي مع لون مطبخي ؟؟؟
هذه صور مطبخي
هذه صورة واضح فيها باب المخزن
وهذه صورة الجدران
وهذي الأرضية
بالتوووووفيق