مطبخي راح فيها ساعدوني// السواد الي بين البرسلان تعديل

السلام عليكم خواتي حوائيات
بقولكم قصتي وياريت اتساعدوني
في يوم من الايام قمت الظهر كعادتي ورحت المطبخ اسوي الغدا
وركبت الزيت على النار وانا فرني مو ذاك الزود بالموت يحمى قلت خلني اروح اخذ دوش ,,, فاضيه
وعلى طول ما اخذت عشر دقايق الا وانا طالعه بس بعد كذا نسيت الي على الفرن وجلست اطالع التلفزيون
والمشكله اني مزكمه ما اشم والا ويجي ولدي ويقولي ماما حريقه واروح المطبخ وبالفعل فت النيران والدنيا قايمه
اول شي فصلت العداد وجبت بطانيه ولدي وحطيتها على قدر الزيت وجبت فوط ودنيا لحد ما سيطرت على الموقف
وخمدت النيران قمت اناظر المطبخ الا واشوف الدنيا حايسه كل شي اسود في اسود شنيت حملت التنظيف وقمت انظف وادعك وافرك فرك لحد مانوخت وتعبت كل شي نظفته راح
بس الترويبه الي بين البرسلان ماراحت ابي منكم اتقولوا لي اشلون اروح السواد الي بين البرسلان ترى نفسيتي زفت