مآسر
•
ياحيبتي استغني عن الزبالة نهائيا وحطي بدالها كيس اربطيه بيد الباب من جوا وكل ماامتلى عطيه رجلك اذا راح يصلي اقصد الاكياس الي نشري فيهن مقاضي البيت من بنده او العثيم او جيان وبتستفيدين فائدتين باذن الله وفرتي على نفسك المكان وتخلصتي من قرف الزباله والله ان مطبخي فيه مجال للزباله وعندي مخزن وحوش من فضل الله بس هذي طريقتي احيانا اطلع الكيس ثلاث مرات باليوم اخذت هالطريقه من حماتي دايما ريحة شقتها حلوه ماتشمين زفر اكل ماشاء الله
حبيبتي أم الكتكوت...أنا والله بعد زيك مطبخي صغير.......وكان كل شي على الأرض من مماسح ومكانس وسطل...
لكن رحت فصلت دولاب ب 300 ريال فقط نفس لون المطبخ على شكل مستطيل طويل حطيته بزاوية عند باب المطبخ..
وأحط فيه كل الأغراض........تقبلي مروري ..تحياتي.
لكن رحت فصلت دولاب ب 300 ريال فقط نفس لون المطبخ على شكل مستطيل طويل حطيته بزاوية عند باب المطبخ..
وأحط فيه كل الأغراض........تقبلي مروري ..تحياتي.
الصفحة الأخيرة
مطبخي جداً صغير ،، أخذت سلة جداً صغيرة بثلاثة أرفف للبصل والثوم والبطاطس وحطيتها بزاوية بالمطبخ ، والممسحات أخفيتهم الله يعزك بالحمام ورى الباب ، وسلة الزبالة أخذت حجم متوسط حاطته بجنب المغسلة ، والمنظفات كلهم بالدولاب اللي تحت المغسلة
من خلال تجربتي مع المطبخ الصغير ( 8 سنوات ) ، توصلت للتالي:
1- أغلب الأدوات والأواني أخذيها من الحجم الصغير عشان ماتاخذ حيز كبير
2- الأكل من خضراوات ومعلبات أخذيها بكميات صغيرة
3- أي علب أو برطمانات أو صحون عندك زايدة لاتخزنينها على أمل أنك بتحتاجي لها مستقبلاً أستغني عنها ، ولا تشتري شي جديد قبل ماتفكرين وين بتحطينه
4- أهم نقطة بالموضوع
أرضي بنصيبك وأقنعي نفسك أن منزلك ومطبخك برغم صغر مساحته إلا أنه نظيف ومرتب وأحسن بكثير من غيرك ، ولاتنسي الدعاء لكِ ولمن تعاني مثلك بالفرج والسعة من بعد الضيق
بجد راح ترتاحي ونفسيتك بتكون تمام