اليوم الغدا لذيذ ماشالله انصحكم تجربونه
اول شي ننظف السمك ونبهره ونغطيه
بعد ساعتين قليت قطع السمك
جهزت 3 حبات بصل مفروم وثلاث فصوص ثوم وزنجبيل مبشور
طالع في الصورة العيش منقوع صار له نص ساعة وبعد شوي بنسلقه
نحمر البصل في قليل من الزيت
نضيف الملح والفلفل الاسود والليمون الاسود بودرة والفلفل الحار ونص ملعقة كركم
ضفت التوت البري المجفف
ونحرك
بدينا بسلق العيش
هنيه طرى علي احط شرائح الكوسا على الحمسة
قطعنا حبة باذنجان الى شرائح وبهرناها للقلي محد ياكل في البيت باذنجان الا ابو العيال بس الله يحفظه
عاد سويناها له وبالعافية على قلبه
صفيت قطع السمك فوقه
حطيت باقي العيش فوقه
رشيت فوقه ملعقتين زيت وسكرته بالقصدير خليته على نار هادية لمدة ربع ساعة
بعد ما استوى
قلبته في الصينية
وهذي السفرة
المخلل
صحني
بالعافية:27: