مطبق التونه على الطريقه الكويتيه بالصور : خاص بالمسابقه

حبيبة مبارك :

العيش : عباره عن : جدر ماي مع ماجيه و ملعقه كبيره ملح و هيل ثلاث حبات ( عشان يطلع طعم الهيل عضي حبه الهيل بضروسج بطليها عشان طعمتها تصير بالماء ) تكونين منقعه العيش 10 الى ربع ساعه و تجيبين شوي من الخضار المشكل ( جزر و بزاليا ) لا تكثرين وحطيه بالماء عشان نستغل الوقت ( يطبخ الجزر و البزاليا ) في الماء مني ليما يغلي و يستوي الجزر و البزاليا و نحط فوقهم العيش المنقع بالطريقه هذه عشان نعرف العيش استوى او لا ناخذ شوي بالقفشه او الملاس ونذوق العيش لو كانت طريه خلاص سكري النار و صفي العيش بالمصفى لو كانت يابسه للحين خلوها شوي مني ليما تصير طريه يتبع

العيش : عباره عن : جدر ماي مع ماجيه و ملعقه كبيره ملح و هيل ثلاث حبات ( عشان يطلع طعم...

حبيبة مبارك :

بنفس الوقت نكون مسوين حميسه التونه اللي هي عباره عن : مقلاه زيت بصله شرايح كبيره ثوم 5 فصوص مهروسه ( مطقوقه بالهاون ) نحط بهاراتنا ( كركم ـ كمون ـ فلفل احمر ـ فلفل اخضر ـ فلفل بارد اخضر ـ ملح ـ بهارات السمج اللي موجوده عندج اي شي منها ما في مشكله ) نفتح علبه التونه الابيض ( احلى شي النوع الابيض اللي يكون فيه زيت ) طبعاً نصفي الزيت وقطوا الزيت لان طعمه مو حلو لا تخلونه بالحشوه اوكي و نحط ثلاث ملاعق من الكزبره او الكرفس ( الموجود ) تصير حميسه بالشكل هذا الحين نجي حق عمليه التطبيق التطبيق يعني اننا نسوي طبقات من الشي بالشكل هذا نجيب الجدر اللي راح نطبخ فيه العيش ونحط ملاس من الحشو التونه و فوقه العيش و بعدين حشو وبعدين عيش بالترتيب هذا بالشكل الحلو هذا الحين نحط ملعقه من السمن ونسكر الجدر عدل و نخليه بعمليه اسمها ( تهدير ) يعني يجف الماي لو كان في ماي خفيف عالقه العيش او بالحشو يطلع البخار و تستوي حبات العيش اللي من الممكن تكون للحين ما استوت يبي لها 10 الى ربع ساعه ومن خلال العمليه هذه تصير ( الحكاك او الحكوكه ) اللي تكون اسفل الجدر و اللي هي عباره عن ان العيش يكون يابس ( اعتقد الكل يعرفها ) :):) وخلوها على نار هاديه جدا ونكمل الطبق

بنفس الوقت نكون مسوين حميسه التونه اللي هي عباره عن : مقلاه زيت بصله شرايح كبيره...

حبيبة مبارك :

الحين صار عندنا طبق العيش مطبق التونه جاهز ،، ممكن اننا نكتفي للحد هذا او من الممكن اننا نخلي الطبق غني اكثر شوفوا من غير اي شي راح يكون بالشكل هذا ،،، بس انا ما حبيت وقلت ازيده عشان اسوي نفسي فاهمه وشاطره قدام ريلي و عشان المسابقه :):) بجذي ممكن تتوقفون ويصير عندنا مثل ما قلت ( مطبق التونه ) بس اللي تبي تكمل معاي ... تزهب : باذنجانه واحده مقطعه مكعبات صغيره و فلفل حار مقطع فلفل بارد مقطع ونجيب المقلاه ونقلي الباذنجان و الفلفل ( النوعين ) بالشكل هذا ونقليه عدل بالشكل هذا تاااابع

الحين صار عندنا طبق العيش مطبق التونه جاهز ،، ممكن اننا نكتفي للحد هذا او من الممكن اننا نخلي...