بسم الله الرحمن الرحيم
مثل ما وعدتكم حبيباتي اني انزل لكم الصينيه اللي بالخضار بناءاً على طلب احدى الاخوات صينيه بالخضار بدون لحم او دجاج او سمك
اولاً نشوف المقادير
مثل ماهو واضح بالصوره
باذنجان وبطاط اقل منه مقطع مكعبات ومقلي
بصل وفلفل رومي وطماط مقطع جوانح
كاري -كركم-مكعب ماجي-معجون طماط-ملح-بقدونس وكزبره اهم شي ماصورتها
الخطوات
اولاً:نحمر البصل الفلفل الرومي بالزيت
تحمير بسيط بعده نضيف الطماط والملح ثم المعجون والبهارات والماجي
ونخلط عدل لين يرتاح ضميرج ونضيف الباذنجان والبطاط ونقلب ونزيد قليل من الماء
آخر شي نضيف البقدونس والكزبره ونطفي على طول
نحط المطبق بصينية فرن ونرش جبن الموزاريلا بكثثثثثثثره احلا
وندخله الفرن يتحمر من فوق
والنتيجه
. الله يهدي بنتي اتكلت عليها ونستها بالفرن وهي قاعده عنده تطقطق بالايفون
اول مشاركه لي تجاوزوا عن الاخطاء وارحب بأرائكم وانتقاداتكم محط اهتمامنا
ولكم مني جزيل الشكر مقدماً