مطعم افوكادو .. تعرفينه؟؟ حياك ...

هلا والله المطعم رحت له من اربع سنين حلو وجو رومانسي ولطيف روحي بدري قبل الزحمة لان مافيه بارتشنات
اكله لا هندي ولا ايطالي عجزت اعرف وشو بس لذيذ وتغيير واذا احترتي قولي وش تنصحوني فيه وبيعطونك شئ مقبول او الاكثر طلب
اتوقع اذا كلمتيهم وحجزتي وبلغتيهم يجهزون لك كل شئ وكل شئ بحسابه
اسعارهم نار نار بس احس يستاهلون اذا كانت مناسبة خاصة
انتي ممكن تحجزين وتطلبين بالتليفون وتحددين الوق ويعطونك توقع للفاتورة وبكذا ماتنحرجين
رقمهم للاسف مو عندي عنوانه بالظبط على طريق الملك عبدالله من الجهة المقابلة لصحارى فتحي عيونك زين لانه مو واضح مرة والله يسهل امرك ولا يخيب ظنك ويرد لكم ابو عبد الرحمن سالم غانم

دقي على الاستعلامات يعطونك رقمهم وقولي ابغاها ليله حمرا والا خضرا والا زرقا هههههههه
وراح يسونلك اللي تطلبينه اسعارهم والله حليله تعشينا فيه مع البرنامج الحلو والشموع والورد ب 300 تقريبا او اكثر شوي

بعدي والله بنات الرياض ..

تولان ..
يعطيك الف عافيه ياعسل .. بس عورتيلي قلبي .. كيف مافيه بارتشنز .. اجل مافيه خصوصيه
شلون اخذ راحتي واكل براحتي ..؟؟؟

دلع بودي ..
هلا والله عيني مشكوووره وماقصرتي .. بس ايش البرنامج الحلو ؟؟

ودمتم لاحبابكم

انا رحت له قبل شهر وكان فيه بارتشنز وبالنسبه لأكلهم فيه إيطالي واسباني وفرنسي واكل افوكادو وفيه اكل خاص للرجيم..انا دقيت عليهم قبل ماأجي بيوم وقلت لهم عندي مناسبه خاصه مع زوجي إيش ممكن تسون لي قالو لي بنحجز لكم طاوله ,بنفرش الطاوله ورد, وبنحط لكم شموع ,وبنجيب كيكه ونكتب عليها الي تبين ,وبنحط بوكيه ورد.. وطبعا كل هذا يكلف 150ريال من غير العشاء.. وسألوني متى بتجون قلت لهم الساعه 10 ,واخذو رقم جوالي علشان إذا تاخرنا يدقون.. المهم تأخرنا احنا ثلث ساعه وحنا ندخل وهم يدقون علي..وعلى فكره العشاء كلفنا 150 يعني الحساب كله 300ريال بس لايفوتك رووووووووعه وإضائته مره ررومانسيه وحلوه.

والله روعة تغيرت الدعوى عقبي شكلي اروح للرياض اعزم زوجي هههههههه