المكان ك شكل .. تحفه فنيه
و ك أكل 10/10
وكل مره ارووح اقول لازم اصور حق المنتدى وانزل موضوع واتعايز لأن كيمرتي عدستها خربانه
بس هالمره كنت شاله وياي الكيمره الصغيره .. صح انها مب بروفشنال وما عطت المكان ولا الاكل حقهم
بس بتوصل المعلومه ههههههه
نقول بسم الله
هذا المطعم من برع
هني حاطين المنيو .. وشي عداله مثل صورة برجر يوم قربنا منها كان مكتوب
“Camel Burger” !!
يعني برجر مسواي من لحم الجمل
بالنسبالي مستحيل اتجرأ آكله .. بس ربيعتي ماشالله عليها ما تخلي شي في خاطرها هههههه وقالت بجربه
المهم يلسنا ويابولنا المنيو
عقب شفنا اللي تشتغل توزع هال “SHOTS”
وجي يانا فضوول نجرب انا شربت الوردي وربيعتي شربت الازرق
كان طعمه يجنن جي حامض شرى الحلاوه
عقب يابولنا هالخبز ويا سوس الجبن
السوس لذيييذ جي كريمي ع سبايسي خفيف
يابولنا عصايرنا .. بالغلط يابولي هالابيض هههه صورته وقتلهم يشلونه
عقب يابو عصيري .. طالبه فراوله .. وربيعتي طالبه نفس الوردي اللي انا شربته اول شي
عقب وصل السيزر سالاد .. انا ما اكل خس .. احم بس ربيعتي كانت متلذذه فيه
ووصلت شوربة البطاط اللي انا طالبتنها اول مره اجربها عندهم دايما اطلب المشروم
كانت لذيذه وطعمها غريب شوي .. لاني متعوده عليها تكون بالجبن .. بس هذي كانت بالكراث
كانت لذيذه وطعمها غريب شوي .. لاني متعوده عليها تكون بالجبن .. بس هذي كانت بالكراث
المهم وصل ال“CAMEL BURGER” مال ربيعتي هههههه وانا اطالعها واقولها يا حرمه استهدي بالله ! وهي مافي فاذنها ماي
وجي تميت يالسه يلسة تأمليه اتريا تعابير ويهها عقب اول لقمه
والبنت عيبها ! وبلعته كامل .. بالعافيه عليج يعني (هي موجوده في المنتدى هههه)
http://www.0zz0.com"]https://d2s63a22uzwg40.cloudfront.net/PE/2010/11/29/02/739302767-1.jpg
http://www.0zz0.com"]https://d2s63a22uzwg40.cloudfront.net/PE/2010/11/29/02/489689590-1.jpg
وانا وصلت باستتي ... بالسوس الأبيض وفيها دياي مشوي ومشرووم .. طعمها "لظيييظ" ع قولتي ههههه والباستات الثانيه بعد شغل عدل
http://www.0zz0.com"]https://d2s63a22uzwg40.cloudfront.net/PE/2010/11/29/02/568247907-1.jpg
وهاي سجينتهم انا منغرمه فيها ما تبين عدل بس شكلها شرى ستايل المطعم وواااااااايد كيوت
http://www.0zz0.com"]https://d2s63a22uzwg40.cloudfront.net/PE/2010/11/29/02/483803241-1.jpg
عقب مر علينا الشيف سألنا اذا كل شي اوكيه وعايبنا .. وخذ ملاحظاتنا
http://www.0zz0.com"]]
اللحين جهزووو عماركم للضربه القاضيه
كل اللي يحبون النوتيلا بيتخبلووون اللحين
هذا اول سويت طلبناه
“Nutella Burger”
http://www.0zz0.com"]https://d2s63a22uzwg40.cloudfront.net/PE/2010/11/29/02/948892978-1.jpg
وهذا الثاني
“Nutella Pudding”
http://www.0zz0.com"]https://d2s63a22uzwg40.cloudfront.net/PE/2010/11/29/02/501786880-1.jpg
وعندهم سويتات ثانيه .. كلها لظيييظه