مرحبا فيه مطعم الصهود جمب فندق الدار البيضاء ومطعم رومانس في شارع صاري ومطعم مره فخم اسمه ناندوز انا ماني متأكده يمكن في شارع صاري

الله يجزي كل من دخلت وردت على استفساري كل خير وييسر لها أمرها

أختي عبيرو الدلوعة ممكن عنوان مطعم شيزان .. أذكر سمعت الإسم من قبل لكن نسيت العنوان .. وجربتي عندهم وجبة معينة تنصحيني بها؟

طيب أختي سارونة تعرفين عنوان كافيه بلان اللبناني .. الأكل اللبناني طيب ماشاء الله وجربتي عندهم وجبة معينة تنصحيني بها؟

أختي بنت النور لك كل الشكر لكن لو كان غالي جدا سيكون إسراف بالنسبة لي .. خير الأمور الوسط
ومشكورة على ردك الرائع يمكن لو كنت أغنى من كده كنت فكرت في الموضوع هههههه

أختي رورو ما قلتي هذه المطاعم كيف أكلها .. أو بلدها.. وجربتي عندهم وجبة معينة تنصحيني بها؟
معليش أعذروني أول مرة أعزم زوجي وخايفة أتفشل قدامه لا قدر الله >> حالتها حالة

ماشاء الله عليك roooosi عندك حصيلة من المطاعم والفنادق
طيب أيهم جربتي ؟ ولو كنتي جربتيها كلها أي واحد عجبك أكثر ؟ ولو ما فيها كلافه ممكن العنوان؟

أختي سكر مكر .. جزاك الله كل خير معليش ممكن توصفي لي شارع الضباب ..((عليمية))

مشاعل السعودية .. الله يجزيك كل خير أختي الحبيبة

ام حصة الله يجزيك كل خير أختي الحبيبة

rasha جزاك الله كل خير طيب فين عنوان يلدزلار لو سمحتي؟

سبور شيك
ماشاء الله شيء رائع جدا جدا .. طيب ممكن عنوان كاسبر غمبلينز؟

غربة الروح جزاك الله كل خير أختي
طيب هذه المطاعم في شارع صاري الرئيسي يعني سهل الوصول إليها؟

ماشاء الله .. ردودكم مشجعة جدا بس تحيرت قليلا أيهم أفضل .. ربنا يقدر الخير يارب
الله يجزيكم كل خير يا بنات على مساعدتكم لي والله ما توقعت كل هذهالردود أسأل الله أن يجعلها في ميزان حسناتكم

شوفي حبيبتي

عندك لاكوزين مطعم فرنسي رايق وهادي اكله لذيذ وغالي الكل يمدحه ولأنل رحته وعجبني موقعه قدام الجمجوم

بون بون فيه اقسام انا رحت اللبناني اكله لذيذ وجنبه بابيلز رحته واكله انترناشونال يعني المنيو مشكل عنده الانتركوت لذيذ والمقبلات باقي الأكلات غريبة والجلسه روعه بس غالي

إذا تبغي هندي شيزان في شارع صاري جنب ساب أكله كله لذيذ بس المكان عادي جربي المسالا ودجاج 65 وشوربه الطماطم والدجاج بالزبده والمشاوي وسعره حلو

وأيطالي في مطعم تشاو جنب السعودي الألماني أكله لذيذ

وفي مطاعم في شارع الأندلس أمريكية ومكسيكة زي تشيلز وابل بيز وفرايديز عادية اكلها لذيذ

أروما ولوست ستي الجلسة في لوست ستي أحلى بس أروما أكله ألذ بكثير كلهم في مركز الحمرا

عندك جافا تقاطع الأندلس مع فلسطين أكله لذيذ بس غالي

في شارع الأندلس سينسسز روعه الجلسة والأكل

وجيلاتو في شارع فلسطين أكله لذيذ بس أحسه قهوه أكثر من مطعم بس أكله ايطالي روعه

كاسبر أند غامبنيز أكله مو مره عادي

فندق الأنتركونترينتال فيه مطعم سبيرز على البحر وهو افريقي كله شوي جميع انواع اللحوم وانت تختاري وفيه مقابله سوق السمك بحري

الهيلتون المطعم في الدور 12 نسيت اسمه اعتقد المرسى بوفيه رووعه طبعا غالي
ومطعم السفينه كمان حلو والتراس بس اتصلي واحجزي افضل عشان تتأكدي اذا فاتحين وبوفيه ولا لأ

المريديان فيه مطعم مغربي حلو اذا تحبو الأكل المغربي

وجده ويسن الإيطالي في الدور 12 حلو على البحر

عصرت ذاكرتي عشان اطلع المعلومات الرد الي فات ماكنت افتكر غير 2

غريبه ماحد ذكر مطعم الشرافه
جربيه وصدقيني بيعجبك 100%
اطباقهم ودك تتصورين معها من روعة تزيينهم
وخصوصاً السوفليه

والله يوفقك باختيارك

طيب فين مكانه أختي (مطعم الشرافه)
وجزاك الله كل خير